BRU-AGSB-Z-n1899

Algemene gegevens

Opmerkingen analytische datum: Bijkomende dateringen: "anno 1602"; "anno 1570"; "1550"; "anno 1626"; "1600"; "anno 1550"; "1600"; "Jnt Jaer xvC ende xlix" (1549); "anno 1600"; "S[in]te Jansmesse 1627" (24/06/1627); "anno 1619"; "anno 1656"; "anno 1676"; "den xxijsten in meij xvC liij" (22/05/1553); "den xxij.en Jn nouember xvC xlix" (22/11/1549); "anno 1636"; "den xxij.en Jn nouemb. xvC xlix" (22/11/1549); "anno 1602"; "anno 1630"; "anno 1602"; "anno 1619"; "Anno xv.C xxij" (1522).

Type: Legger van de renten van de dis van Zonnebeke onder diverse heerlijkheden en parochies, opgemaakt in 1500 [+ later aanvullingen]

Beschrijving: Legger van de renten van de dis van Zonnebeke onder diverse heerlijkheden en parochies, opgemaakt in 1500, met latere aanvullingen.

Tekst

[VOORLOPIG]

Raeckt De Kercke van Zonnebeke

Muelenare

[rest onleesbaar]

DJt zijn de eruelicke Renten toe behoorende den disch ende den aermen van zunnebeke. Onder diuersche heerscepen ende proch ien hier naer uerclaerst ende nieuwe leghere ghemaect int iaer ons heeren duust.v.C.

Al der eerst mijn vrauwe van zweueghem ouer pauwels van montenberch. vii d. o. eruelic beset vp vichtich Roeden merschen in de holle mersch tusschen mijn vrauwe van zweueghem leen an beeden zijden in de prochie van zunnebeke ende onder den prinche

[memorie dat deze vij d ob. gheld Jaerlicx Joncvrauwe Jehenne schilders present huusvrauwe van m[eeste]r Claeijs p[ar]mentier ende heeft betaelt anno 1602 22 Jaere]

Pauwels moenin ouer pieter bollaert .xv. d siaers eruelic bezet vp vichtich Roeden mersch int noort hende vander holle mersch tleen van mijn vrauwe van zweueghem an beeden zijden in de prochie van zunnebeke ende onder den prinche

[Laetst Jacob mee... Pauwels ...ens nv]

Pauwels moenin ouer gheraert vanden houe .vii. d o. siaers eruelic bezet vp vichtich Roeden merschen in de breede mersch mijn vrauwe van zweueghems lant ande west zijde van pauwels moenins lande an de oost zijde ende ioris svel- ters lant ande zuut zijde inde prochie van zun- nebeke ende onder den prinche

Pauwels moenin ouer de saerteruesen van gonaey .xij. d. siaers eruelic bezet vp vich tich Roeden lans dat men heet thellehof ende licht noort oost van huerlederen houe streckende oost ende west commende metten westhende tot vp de beke in de prochie van zunnebeke ende onder den prinche

Pauwels moenin ouer pieter ghebuerghe .vi. s. vi. d. siaer eruelic bezet vp twee linen lans

[i d]

ligghende beoosten an een sticlants dat men heet de bouchout tusschen den voorseijden pauwels lande an allen zijden in de prochie van zun nebeke ende onder den prinche

Karels de neue ende zijn mede pleghers ouer ian de corte .iii s. vij. d. o. siaers eruelic bezet vp .lxxv. Roeden merschen bachten ians neuen was tlant van mijn heere Jan van lichteruelde an de noort zijde ende tlant van den disch van zunnebeke ande oost zijde inde prochie van zunnebeke ende onder den prinche

[Laetst Jan de witte]

Thomaes vanden walle ouer Jacob de corte iii s vii d o. siaers eruelic bezet vp een half ghemet merschen inde breede mersch tusschen miin vrauwe van zweueghem leen an de zuut zijde ende de beike ande noort zijde inde prochie van zunnebeke ende onder den prinche

[Jan vanden witte Laetst]

Jan eueraert ouer Jaex canin .v. s. siaers eruelic bezet vp .v. linen lants ligghende noort west van aelbrecht harincx lande van geloen maertin ande oost zijde ende tlant van den haeldinghen ians neuen ande west zijde in de prochie van zunnebeke ende onder den prinche [Laetst Lamsin ...ts anno 1570]

[doorstreept: Kaerle vanden walle ouer Jaex canin .v. s siaer eruelic bezet vp een stic lants drie ghemeten groot tusschen den houe karels neuen

[Laetst Jacob van steelant 1550 nu m[eeste]r Anthoine de haluin] [Dese v s ... siaers zijn ghelost door gillis Daens Jn handen van fran[ciscu]s de Smijtter als ontfangher vanden disch anno 1626]

[doorstreep: met zijnen medepleghers ouer een zijde ende sinte iuliens lant ouer ander zijde inde prochie van zunnebeke ende onder den prinche]

Mijn vrauwe van zweueghem .xii. d siaers eruelic bezet vp vier linen lants ligghende beoosten ians blonden houe ende bewesten lande van mijn vrauwe van auwelis strecke zuut totter beke ende noort toten straetkinne dat loopt van sinte gilliens waert ter zoutsbome waert ende licht in langhemaerc ende onder denter- ghem

Kerstiaen stoorme ende ysabeele vanden voorde zijn wijf heffen bezet den disch van zunnebe- ke .vi. s. siaers eruelicke Rente ligghende inde vloghe mijns vrauwen van werkin busch gheleghen ande west zijde ende de haeldin ghen van Ram van Rosebeke ghelant ande oost zijde omme te deelene vp den quenen zon dach den aermen an broode ter offerande drie pennijnc kersen.

Ditsonder mijn heere van zunnebeke ende zijn couent

Alder eerst mijn heere voorseijt Ende zijn conuent vj s ij d o. vp marikins mersch gheleghen ande noort zijde ende ande oost zijde vanden lande toebehoorende de wedewe ende haeldinghen van boudins scoonJans bezuder clooster bussche ende vp de westzijde van den straetkinne dat loopt bij Augustijn vanden

berghe

Joos bekaert viii d siaers eruelic bezet vp ee nen beilc bezuden zijnen houe

[Pe... ... Laetst]

De wedewe ende haeldinghen van boudin scoon Ians .x. s siaers bezet vp een stic lants lig ghende ande dreue tlant van gillis de snic ende anceel de snic ande zuutzijde ende ande noortzijde

[Marijn de smet 1600]

Gillis de snic ende Anceel de snic ix s. siaers bezet vp twee ghemeten mersch ghenaemt de buumis ande oost zijde van pasins vander haghe

[Laetst Jan baelde anno 1550]

Matheus de blonde .iiii s. siaers bezet vp zijn hofstede ligghende ande zuutzijde vanden solackere ande oostzijde vanden langhen elst straetkinne ende ande west zijde vanden lande vander wedewe ende haeldinghen van boudin scoonJans

[Jan de smet ouer de kijnderen van ... de blonde]

De haeldinghen van Jan kengaert ende Jan aket ghezeit van eeken elc .viii. d. siaers eruelic bezet vp twee ghemeten lants ghenaemt erins hof den gauelare ligghende ande noort zijde ende tlant vanden clooster van zunnebeke ande zuut zijde

[Fran[ciscus] kengaert Laetst]

Daneel van eeke .iiii. s. siaers eruelic beset ouer mechiel van beselare vp de hofstede ende tlant dat toebehoort daer michiel van bese

[Dit es ghelost bij pietre van beselare iij lb xij s parisis van verloope ende van prijnsep... de somme van iiij lb parisis]

lare es wonene plach

Lonis vander strate .xviii d siaers eruelic be zet vp een stic lants benoorden den houe ende vp de zuut zijde vanden kercweghe die comt van pierine brickels waert ende gaet te zunnebeke waert

[Laetst Jan billet]

De haeldinghen van Jan brickelin ouer gillis van Rosebeke bastaert .v. s. vii d. siaers erue lic bezet vp de hofstede daer hij te wonene plach ende al tlant dat hij hilt bewesten zijnen houe streckende west waert toter mersch vanden cloostere van zunnebeke ende sinte antuenis bode heift hier of .xii. d. siaer

[Laetst de wedewe van maill. brickelin]

Willem van eeke ouer Rogier ternijnc .iii. s. .iii. d. siaers eruelic bezet vp een stic lants gheheeten boudin struufs hofstede groot een ghemet ligghende west ouer willems hof ande westzijde vanden straetkinne dat loopt te luse bome waert

[Cornelis van eecken Laetst]

[Doorstreept: Willem van eeken ouer Lamsin van meesene viii d siaers eruelic bezet vp twee linen lants gheheeten den brombeilc ligghende ande noort zijde vanden kercweghe die loopt van malins van ypere te zunnebeke waert ende ande zuut zijde van eenen buskelkinne toe behoorende willem van eeken [ghelost bij pre. vander haghe deze viij d... ... bij cope toebehorende de... vul steke]

Jacob van blessy ouer Fluer van beselare iiii s.

viii. d. o. eruelic bezet vp drie ghemeten lans gheheeten vocx lants bewesten an serros busch ende besuden ande yper straete Jtem iacob van blessy ouer Fluer van beselare ix. d siaers eruelic bezet vp een plecke busch de kerke ende de disch lant ande noort zijde ende lambaeys beilx toe behoorende willem van eeken an de zuut zijde

[Nu heijndrijc van elstlande] [d ... es zelf] [doorstreept: Jtem iacob van blessy ouer Fluer van beselare .iiii. d. o eruelic bezet vp lx. Roeden lants vp de zuut zijde van malins van ypere lant ende vp de noort zijde vanden kercweghe willems van eeke lant ande oostzijde

[Bernaert de zuuttere nu zijne hoijrs 1600]]

Maeilin van ypere ouer lamsin van meesene .iiii. s. siaers eruelic bezet vp twee sticke lans gheheeten cachtels weede groot .viii. linen ende licht wouters vander muester lant ande west zijde ende pieter moocx lant ende katheline meiluerts lant ande oost zijde

[id]

Katheline meiluerts ouer Jane suelters .vi. s. siaers eruelic bezet vp twee sticke lants ghe heeten de dissche landen ende ligghen an beeden zijden vanden kercweghe die gaet ten steen ackere waert ende tnoort hende toten wallekin van pieter moke ende de zuut zijde toten lande van maeilin van ypere

[id]

Pieter moke ende haeldinghen van Lamsin baert

[d]

ouer Jan baert .ij. s. siaer eruelic beset vp een stic lants gheheeten den kinder beilc groot een half ghemet ende acht Roeden beoosten vp tstaert kin dat loopt ter nonnen busschen waert Jan vander straten lant an beezijden

Jan vander strate ouer Jan de veltere ende katheline suelters .ij. s. siaers eruelic bezet vp een stic lants ligghende benoorden zijnen houe pieters carpers leen ande oost zijde pieter mo- ke lant ande noort zijde ende tstraetkin dat ter nonnen bussche waert loopt an de west zijde

[nv Jan rabault 1600]

[Den helft van dese onderschreuen Rente es ghelost door de kijnderen P[iete]r van Belle] Lieuin stoorme ouer kerstiaen barey .viij s. .viii. d siaers eruelic bezet vp de hofstede daer lieuin woont ende stic gheheel benoorden houe toten yper weghe [nv H[einri]c van elstlande]

[Dijt es ghelost bij ...anten stor...] Lieuin stoorme ouer kerstiaen barey .iiii s. siaers eruelic bezet vp vier ghemeten lants ande zuutzijde vander yper strate streckende oost waert toten achte linen ende west waert [Jnt Jaer xv.C ende xlix]

[doorstreept: toten straetkinne dat loopt ter nonnen bussche waert]

Lieuin stoorme ouer jan van Jnghelant .xij d siaers eruelic bezet vp een stic lants ghenaemt thofstedekin groot een ghemet ande noortzide vander grooter yper strate ende ande oost zijde van eender mersch

[Nu H[einri]c van Elst lande]

[doorstreept: Michiel Kengaert ouer pasin vander haghe vi s. siaers eruelic bezet vp een sticlants ghe heeten de paerde wee groot .vijf linen ende een half

[ghelost bij ... ... tras...aer...]]

Wouter vanden kerchoue ende lisbette van nieukerke hebben gheheuen xxxii g. siaers eruelic vp twee ghemeten lants gheheeten tgokellant vier linen groot ende twee linen mersch beoosten daer an vp de noort zijde vande zunnebeicx strate dit ghelt lieuin stoorme met zijnen medepleghers [nv heijndrijck van elstlande commende van pauwels terdelant anno 1600]

Jakemine van beselare heift ghegheuen xx s siaers eruelic bezet vp de hofstede daer zoe woonde bin haren leuenden liue ende by haren vryen wille om een iaerghetide daer mede te doene alle iare tzondaechs naer sinte ste uenins dach omme den aermen te deelen ten dissche xxxviii brooden van .vi. d stic eenen grooten den prochie pape omme tiaerghetide te becondeghene tsondaechs daer vooren Ende

[Dese xx s parisis siaers zijn de verloopen betaeldt door Daneel verheecke ende zijn kijnderen tot S[in]te Jansmesse 1627]

dit bezet es groot achte linen ende licht vp de west zijde vanden straetkinne dat loopt van den borgongen ackere te lusebome waert luux bossaer lant ande zuut zijde ende willems van eeken lant ande noort zijde hier of ghel- den de haeldinghen van Jan van beselare .vii s vi. d ende iacob van blessy vii s vi d ende willem van eeken .v. s

Jn zunnebeke onder Jan vander gracht

[doorstreept: De haeldinghen van Jan traetsaert .vij. s siaers bezet ouer kestine scads vp .x. ghemeten lants ligghende beoosten houe vanden voorseijden haeldinghen streckende oostwaert tot eenen sticke lants ghenaemt themelrijcke toebehoo rende maercx pauwelin

[ghelost dese Rente bij twee? lams... tratsaert]]

Maercx traetsaert ouer mijne swlders[?] .xij. d. siaers eruelic bezet vp twee linen lants ligghende ande zuutzijde vanden voorseijden marcx houe ande noort zijde van Jane traetsaerts houe

[Jooris van vlamertijnghe]

Maercx pauwelin ouer pierine screyers .vii s. siaers eruelic bezet vp vier linen lants ligghende vp de zuutzijde vanden straetkine ende es de hofstede daer hij woont

[nu Jooris van vlamertijnghe]

Maerqs pauwelin ouer boudin de snic .iiii. s

[id]

siaers eruelic bezet vp een half ghemet lants ende xvii Roeden gheheeten pinceels hof be oosten vp straetkin an ian de snicx an alle ander zijden in passchendale

Jan de snic ouer lauwers vanden cruce xii d siaers eruelic bezet vp een half ghemet ende xxvi Roeden lants bewesten ian snicx houe tenden straetkin ende der dreue

[id.]

Jan de snic ouer boudin de snic .vi. s siaers eruelic bezet vp een stic lants ghenaemt wulf rijcs hof ende vp een stic lants ligghende bezuden ande vrome mersch gheheeten den driehouc

Jacob vanden leene ouer lauwers vander cruce iii. s. viii. d siaers eruelic bezet vp vier ghe meten lants gheheeten ten bonten pitten ian de zot ghelant ande west zijde ende ian vander gracht ande zuutzijde

Jan pancoucke ouer lijsbette swlders .vij. s siaers eruelic bezet vp een ghemet lants ligghende bezuden den voorseijden ians houe strec kende zuut waert

[doorstreept: De weese loy kersteloots ouer Jan van bor gonge .iiii. s. siaers eruelic bezet vp vier linen merschen ligghende benoorden an thof

[Nu cornelis vander mersch]

[Ghelost bij Cornelis Vander Eecke Causa ... ... Matheus quinten anno 1619] te Joos muelenaers de zelue ioos ghelant an de west zijde ende ande noort zijde ende tstraet kin dat ten houe waert loopt gheleghen vp de oostzijde

De kinderen Jan vander brigghe ouer Jnghel ram ysac .iii s. siaers eruelic bezet vp den hooghen beilc die men scelt ten hooghen vorde groot vier linen streckende vander grooter straete noort gaende toten trijsen mues beilc de kinderen ian vander brigghe ghelant an beede zijden

[de hoijrs Cornelis vander beke] [Ghelost dese iii s parisis[?] siaers door Clemendt van bechela[re]]

Lonis vander straete ouer wouter vanden voorde ende zijn medepleghers .x. s. siaers eruelic be- zet vp de hofstede daer lonis vander straete nv woont ieghen ouer de middel vanden kerchoue maeyelins abley hof ande oost zijde ende de cokel driesch gheleghen vp de west zijde

[Nu Cornelis vander mersch daer tschuerken stont]

De kinderen Loy kersteloots ouer gillis coertin .ii. s. siaers eruelic bezet vp .v. linen lants daer loy kesteloots braualame te stane plach vp de oost zijde vanden kercweghe die loopt te da- neels van eeken waert vp de oost zijde gheleghen tleen van iacob wouterloot of zijne naercommers

[nu Jooris troost f[iliu]s jacobs te vooren Joos bilget]

Pieter vanden steene ouer willem stoorem iii. s. vij. d eruelic bezet vp thof daer pieter vanden [m[eeste]r Jan de cock daer naer matthijs retoen nu Jacob troost]

steene nv ter tijt Woonende es fransoys kengaert ghelant ande west zijde de haeldinghen van boudin van cappeluelt ghelant ande oost zijde

Jan stoorem ende [doorstreept: boudin van] zijn medeplegher ouer boudin van cappeluelt .x s. siaers eruelic bezet vp heerkins hofstede ende vp de helt vander hofstede daer willem stoorem te wonene plach de oostzijde vanden houe omme wittebroot te copene aller zielen daghe te deelene den aermen

[Nu Lau- reijns de cantere commende van Augustijn vander haghe anno 1656]

Jan de graue gheseit moenins ouer france baert ende wilgemine zijn wijf .iiij. s siaers erue lic bezet vp de hofstede toe behoorende den voorseijden ian ende vp een ghemet lants licht benoorden vp de strate beoosten ians zoots houe ende strect oost waert lancx den straetkinne

Den voorseijden ian de graue ouer den voorseijden france baert xvi d siaers eruelic bezet vp .v. linen lants bachten hughe vp de noort zijde vande straetkinne tusschen pieters vanden steene lant an de west zijde ende maercx pauwels lant ande oost zijde

Jan vander gracht ouer Rijckaert vander gracht .iiii. s. siaers eruelic bezet vp vier linen lants ende een half de veranne mersch vp de oost zijde ende twallekin de ian de muelenaere te woonene plach vp de west zijde [de w[eduw]e Corn. van Eecke vp de paertije tusschen de hofsteede te Casekens ende den veronne-meersch]

Jan vander gracht ouer Rijckaert vander gracht iiii s siers eruelic bezet vp een ghemet lants be oosten ian lambrecht hofstede was ende bezuden ande berch wee daer men te ian snics waert gaet

Jan vander gracht .ij. s. siaers bezet bij zijnen consente vp de eruelicke Rente die hij vanden disch iaerlicx ontfanct ter cause vander hof stede daer Jan vander caerde te wonene plach

[doorstreept: Michiel pauwelin ouer Willem stoorem .vij. s .ij. d. siaers eruelic bezet vp vichtich Roeden lants ende musebecx beilc groot twee linen ende xliiij Roeden maykin van eeke ghelant an de zuut zijde ende ande noort zijde [dit es ghelost]]

De haeldinghen van Rogaert van eeken ouer mentin vander brigghe .iij. s vij d. siaers eruelic bezet vp een ghemet ende xliij Roeden lants vp den hooghen colberch benoorden ande voorseijde haeldinghen lant

Thomaes moenins [doorstreept: ende Denijs moenins] gheseit de graue ouer ian de graue .viij. s siaers eruelic bezet vp drie ghemeten lants ghenaemt de merie brake streckende oost ende west vp de zuut zijde vander yper strate die gaet te morselede waert Ter cause van drie bezetten die in den ouden bouc staen ende dit bezet dede veranderen tomaes moenins

[Laetst heijndrijck de muelennere]

Daneel van eeken met zijnen medepleghers

[Adriaen vander gracht]

ouer Rogaert van eeken ix s iii d siaers eruelic bezet vp de hofstede daer hij wont ende vp vier ghe meten lants daer naest hem toebehoorende

Wouter vander muestere ouer Jan vander brigghe ij s siaers eruelic bezet vp een stic lants ghehee ten den teghel beilc vp de oost zijde vanden straet kinne dat loopt ter nonnenbussche waert de kercke ende de disch lant van zunnebeke an de zuut zijde ende ande noort zijde [dese ij s parisis siaers zijn ghelost door marijn Meulx als grondenaere vanden teghel beilck Jn handen van fran... de ... anno 1676]

[nv m[eeste]r Jooris de graue bij coope ende licht onder den abdt]

Mailin van ackere met zijnen medepleghers ouer willem de hont .iij. s siaers eruelic bezet vp de hofstede daer willem de hont te woonene plach ende vp een stic lants benoorden gheheeten den craeybrouc ende strect noort waert toten kercweghe

[Laetst jan de puudt ...]

Mailin van ackere met zijne medepleghers vi s siaers eruelic bezet vp een stic lants gheheeten sbackers [doorstreept: buls] hof vp den noort oost houc vander cruustrate die gaet ten danckaerde waert ende ande zuutzijde an Robeerts maeyins busch met zijnen medepleghers

[id]

Mailin van ackere met zijne medepleghers iij. s siaers eruelic bezet vp een stic lants ghe heeten tmaenschijn bestuden vp een straetkin ende ande west zijde van een straetkin

[id]

Bertram pancoucke ouer Aernoud moenins xii d siaers eruelic bezet vp een stic lants

[Laetst mahieu rambout]

ende xiiii Roeden vp oost zijde vanden houe daer meus bertolf te woonene plach groot een ghemet ende xxiiii Roeden

Bertram pancoucke ouer meus bertolf .v. s vi d siaers eruelic bezet vp een plecke lants ghenaemt te calle bertolfs twee ghemeten groot ghecocht ieghen de zeelopers ligghende ande oost zijde van ian vander gracht vier linen buschs

[Laetst Jan de puudt dit snoucke]

Maertin vulsteke met zijne medepleghers ouer iacob van borgongen .v s. siaers eruelic bezet vp .x. linen lants gheheeten den caerdebeilc ende licht bewest an maertin vulsteics hof ende voort vp een stic lans gheheeten boinkins lant groot vijf linen of daer ontrent

[Laetst Jooris ende germeijn weer...]

Joos van dixmude ouer Jan van oost viij s. siaers eruelicke Rente vp achte ghemeten lants ligghende vp de oost ende vp de west zijde van maertin vulsteicx dreue die loopt van zijnen ho- ue int straetkin dat gaet ten grauekin waert

[Laest Jan de zot ... ... sijne? hoijrs anno 1600]

Joris de brouckere ouer beele [doorstreept: wittebroots] wittaerts iij. s. siaers eruelicke Rente vp een ghemet elft [no] ligghende vp de west zijde vander strate die loopt ter nonnen busschen waert ende de oost zijde vanden lande toebehoorende bertram panckouke

[doorstreept: Jnghelm cabelyau ouer pauwels vander haghe xii d siaers eruelic bezet vp een ghemet lants] [ghelost bij ons willem van Roozebeke ende Jpolite baseijne den xxijsten in meij xv.C liij bij Jan de behaghele

[doorstreept: gheheeten den paerde beilc ende licht benoordt an zijn hofstede daer inghelm caldey woont]

[Mijn ioncvrauwe van premekes ouer lamsin van den clijte xii d. siaers eruelic bezet vp eenen busch ligghende vp de noort west houc vander cruustrate die gaet ten danckaerde waert ende noort waert tote den brunen hille toebehoorende bertram panckoucke

[Laetst Anthonis bonteman?]

[nv ian vander caserie de ionghe]

[doorstreept: Willem vanden casteele met zijnen medepleghers ouer denijs van meesene .xviii. d. siaers eruelic bezet vp een ghemet ende xc Roeden gheheeten ten caluerbeilc tusschen maertin vulsteics lande ande zuut zijde ende fransoijs kengaerts lant ande noort zijde]

[Dese twee artijclen s...ghe] [nv ian vander caserie de ionghe]

Willem vanden casteele met zijne medepleghers ouer denijs van meesene .ij. s siaers eruelic be zet vp een half ghemet lants benoorden den houe daer de ionghe pieter de man woont be- wester dreue vp de zuut oostzijde vanden kerc weghe ende heet delft vander mersch die gaet te pauwels buedins goede waert

Fransoijs kengaert ouer kerstiaen van meesene .vi. d. siaers bezet eruelic vpt zuuthende van den oostbeilke beoosten wille vanden casteele hof damme ende benoorden anden caluer beilc

[ghelost]]

[doorstreept: Fransoys kengaert ouer kerstiaen van meesen]

[Ghelost dese Rente bij mevrauwe dabdesse van s[in]te claren den xxij.en Jn nouember xv.C xlix]

[doorstreept: twee .s. siaers eruelic bezet vp een ghemet ende xxxiiii Roeden lants nv busch gheheeten bedelf benoorden den kercweghe die comt vte den houe van[doorstreept: den] willem vanden casteele maertin vul steke twee linen ande west zijde ende fransoys kengaerts lant ande oost zijde]

[doorstreept: Joris van denterghem met zijne medepleghers ouer anceel vanden steene .xi. s siaers eruelic bezet vp drie ghemeten ende xxxv. Roeden lants ligghende an de noort zijde vander yper strate ieghen ouer der heiden in lisen beilc beoosten hef fens streckende onder de kercke van zunnebeke lant ende heet den quaden beilc ende den langhen beilc [Laetst gillis de kerse... daer Chaerle van ... nv ... de corte ...

[rest marginale notitie niet leesbaar]]

Joris van denterghem met zijne medepleghers ouer anceel vanden steene .xv s. vi d siaers eruelic bezet vp ix ghemeten ende xxxv. Roeden lants lig ghende in de [doorstreept: voorseijde] hofstede daer de voorseijde anceel van den steene te woone plach ende daer ontrent ende dat eeneghe zeiden dat sdischs propere erue was ende dat ian willaert zeide dat wilen een michiel van den dale ghecreech ieghen den disch teenen eruelic ken pachte omme xvi s vi d siaers eruelicke

Gillis de snic ouer Anceel vanden steene xviii d siaers eruelic bezet vp eenen beilc beoosten ant voorseijde lant gheheeten tlanghe hontsgat ende voort vp al tlant dat grietkin sutters was

[Laetst rijcke waert vander gracht nu zijne hoijrs]

Gillis de snic ouer Anceel vanden steene vi s

[Nu cornelis vandermersch]

vi d siaers eruelic bezet vp vi. ghemeten ligghende beoosten an tvoorseijde hontsgat ende het dische lant

Gillis de snic ouer anceel vanden steene .vij s. siaers eruelic bezet vp eene mersch benoorden tvoorseijde dische lant ende es gheheeten den troch

[idem]

[doorstreept: De aeldinghen van loeij feutin ouer anceel van den steene .xij. d siaers bezet vp een ghemet lants ende lxx roeden gheheeten den eecbusch in minderinghe vander Rente die vooren spreict vp de voorseijde aeldinghen met dat hij ghelt int hooft van grietkin sutters somme van desen .vi. hoofden xlvii .s. vi d

De aeldinghen van Loeij feutin ouer anceel vanden steene xij d siaers eruelic bezet vp een ghemet ende lxx Roeden lants gheheeten den eecbusch den busch gheheeten de zaet ca mere ande oost zijde ende de weesen van loy kes teloot ghelant ande west zijde

De aeldinghen van loy feutin ouer anceel vanden steene xviii d siaers eruelic bezet vp vier ghemeten lants gheheeten ten heps kinne noort waert ouer de straete be noorden pieter moreels woestine ouer een zijde ende den straetkinne dat te ians snicx waert loopt ouer ander zijde]

Joos vanden bussche ouer gillis vander

[...aet gillis vulsteke ende Joos billet]

huele iiii. s. siaers eruelic bezet vp struufs hof bewesten vp de groote strate ende bezuden an coxhul

Jacob pauwels ende michiel pauwels ouer beele van inghelant .v. s. vi. d. siaers erue lic bezet vp een stic lants ligghende noort vander yperstrate ieghen pieter odeuaers dre ue was ende heet steuenins hof west gaen de tote walraefs bussche

[Laest P[iete]r van roozebeke cum suis]

Joos de graue ouer beele van inghelant .vi. d. siaers eruelic bezet vp een stic lants voor bette matte zuens vp den kercwech an de noort zijde dit ghelt ioos de graue

[Laetst ... de ...er]

Jacob vander gracht ende michiel pauwels ende pieter moreel iij. s. siaers eruelic bezet vp .vii. linen ende xxvi Roeden lants lig ghende bachten brootshende ande oost zijde vander grooter strate ende heet valcx beilc dit ghelt Jacob vander gracht ende michiel pauwels pieter mooreel met zijne medeple- ghers elc .xii. d

[Laetst ... [onleesbaar]]

De haeldinghen van thomaes vanden walle .v. s. siaer er uerlic bezet vp drie ghemeten elften sta kaerts busch ende strect oost ende west tusschen ioos vanden bussche lande an beeden

zijden hier of ghelt iacob Liebaert xv d

Dit es onder Cotschy

Maertin gilloen ouer der oliuier vander beke iiij s iiij d siaers eruelic bezet vp vier gheme- ten lants ligghende ande zuut zijde vander grooter yper strate voor tstedekin toebehoorende den clooster van sinte claren de kinderen van willems quicken lant ande west zijde ende de clooster van sinte claren lant ande oostzide inde prochie van zunnebeke ende onder cotschy

[n...]

De kinderen iacob zots ouer mergriete vander strate iij d. siaers eruelic bezet vp een line lants ligghende tusschen pieter sblonden lande an den zijde ende der voorseijde kinderen lant ouer dander zijde in langhemaerc ende onder cotschy.

Jake liebaert ouer mergriete vander strate iii d siaers eruelicke rente bezet vp een line lants ligghende benoorden westhende van zunnebeke ende bewest an iacob suelters lant

De weesen van clement traetsaert ouer pau wels otgheer .vi. d siaers eruelic bezet vp twee linen lants ligghende benoorden den west hende van zunnebeke streckende noort waert tusschen der kerke van langhemaerc lande ouer een zijde ende thomaes de veltere ende zijn kinderen lant ouer ander zijde in langhe

maerc ende onder cotschy

De aeldinghen van thomaes vanden walle

Duer mergriete vander strate xij d siaers eruelic bezet vp vier linen lants gheheete danins elftkin benoorden den westhende van der zunnebeke ende ande oostzijde van iake liebaerts lande ende ian caldeys lande in lan ghemaerc onder cotschy

[nu Jan vande walle anno 1636]

Matheus scaets ouer Rogaer scaets .iiij. s siaerts eruelic bezet vp een stic lants ghe heeten den diederic groot achte linen lants ende licht benoorden oosthende vander zunne beke in langhemaerc onder cotschy

[Laetst griffon de ...e... ...]

b a Jan hilleman ouer ian eekenbout .vi. s. siaers eruelic bezet vp een ghemet lants omme goede vrijdaghe te deelene wittebroot den aermen vander prochie van zunnebeke ende dit ghemet licht vp den zuutwest houc vanden couter ter hasewe vp de zuut zijde vander strate iake liebaerts lant an de west zijde ende ian eekenbouts lant an de oost zijde in langhemaerc onder cotschy

[Laetst Jan vanden walle]

Antheunis mues ouer ian de poortere .iij. s. ij. d siaers eruelic bezet vp een ghemet lants ligghende tusschen der haeldinghen

[Laetst Jan de graue ende Joos verfaille nv Jan huughe]

cornelis mues lant an beeden zijden in zunne beke ende onder thof te holbeke

De aeldinghen van cornelis mues ouer wouter vander elfs vi. s siaers eruelic bezet vp vier linen lants antuenis mues lant ouer een zijde ende de voorseijde aeldinghen lant ouer dander zijde in zunnebeke ende onder thof te holbeke

[idem]

Pieter vander Letuwe ouer wouter letuwe xvii s siaers eruelic bezet vp tbouchout ende vp den grooten banackere groot drie gheme- ten ende een half in zunnebeke ende onder denterghem

[Laetst P[iete]r ...mmelink nv J[oncke]r Jacq[ues] anno 1600]

[doorstreept: Die van sinte claren typre een hauodt euenen vp tlant beoosten uerleden houe daer nv gillis mes woont In zunnebeke ende onder Joris de vos]

[Ghelost dit auodt euene bij mevrauwe dabdesse vanden cloostere van sinte claren den xxij.en Jn nouemb. xvC xlix ende ontfaen de Lossinghe bij denijs cardinael dischmeestere]

wouter vander muestere ouer gillis van Rosebe ke xviii s siaers eruelic bezet die gillis van rozebeke bezette vp .x. linen lants inde zuutzide vanden steen ackere ende een merschelkin daer in begrepen vp de west zijde vanden straetkin dat loopt ter nonnenbussche waert dit ghelt wouter vander muestere ende licht onder den prinche

[Nu de weduwe van Jan van dixmude ende zijne hoyrs anno 1602]

Jan gheysin .xij. d siaers eruelic bezet vp den haseackere vp den zuutwest houc vander cruustrate te broodsheinde ande oostzijde vanden coolberghe dit ghelt ian gheysin

[Laetst Jan van Eecke]

Denijs van eeken .ij. s siaers eruelic bezet vp .vij. ghemeten lants bewesten anden scaep driesch dit ghelt denijs van eeken

[nu de aeldijnghe Sydroen de s...t anno 1630]

Joos de muelenare ouer Loy de muelenare .ij. s viij d siaers eruelick bezet vp een stic lants bewesten zijnen ende vp de noort zijde vander yperstrate

[Nu Joos de muelennere ... anno 1602]

Michiel pauwelin ouer pauwels de man .iij. d siaers eruelic bezet vp twee linen ende .x. Roeden lants inden zuutoosthouc vanden muelenwalle bezuden broodsende ende bewesten ande heyde

Dit es tiaerghetide van pieter aket ende van maeye zijnen wiue ende dit moet men doen vp sinte symoen ende sint iuden dach Ende men moet deelen den aermen in broode xiiii s ende offeren in wasse ende in ghelde .ij. s Ende dit moet betalen pieter vanden steene filius pieters Ende tbezet es groot iiij lijnen lants. twelke lant es gheleghen vp de noort zijde vander muelene toebehoorende Jan vander gracht ende der belle vasthuuse ghelant vp de zijde Ende tlant vanden weesen Jans vander elst vp de noort zijde

[Laetst mahieu ..leke cum suis anno 1619]

Dit es tiaerghetide van pieter aket ende van maeye zijnen wiue ende men moet deelen in broode den aer- men xiiij s ende offeren in wasse ende in ghelde .ij. s dit moet betalen den gront vanden weesen Jans vander elst Ende staet bezet vp iiij. lijnen lants ligghende vp de noort zijde van ians vandergracht muelecoutere pieter vanden steene ghelant vp de zuut zijde ende de haeldinghen van maeye sblonden vp de noort zijde

Onder de zale

Clement ondoore heeft den disch van Zunnebeke ghegheuen een eruelicke Rente van xij s siaers eruelic xp zijn hofstede daer hij nu wonende es palende ten zude vp den kercwech van ioris de poortere ten westen an den busch van ioos cous vp de noortzijde den kinderen van ioris verstrate vp de oostzijde van der ijper strate naer nunnebussche

Dit es tiaerghetide dat bezet heift Floreins melis ende cateline zijn wijf vp onser vrau wen dach voor middewintere. Alder eerst zo wert den disch van zunnebeke ghehouden te doen zinghene vp onser vrauwen dach voorseijt een messe voor pine in onser vrauwen capelle vander welker messe die priester zal hebben iiij s parisis ende de costere ij s parisis ende onser vrauwen outaer ij s parisis ende ooc ter zeluer messe zo zijn de dischmeesters ghehouden ter offerande te bringhene een wassin keerskin ende iij d parisis daer in. Jtem ter hoghemesse vander voorseijde prochie zo moeten ooc de dischmeesters bringhen in offerande een keerse van eenen vierendeele ende ij s parisis daer in ende moeten deelen den aermen vander voorseijde prochie ooc vp onser vrauwen dach voornomt in broode ende in toe- spise de weerde van .iii. lib. parisis Ende dit voorseijde es bezet vp een stedekin van vier ghemeten lands beoosten der heeijnc muelene in de prochie van langhemaerc gheleghen onder de heelichede van denterghem Ende voort zo zal den prochiepape of iement van zijnen weghe hebben xii d parisis om dit iaerghetide te becondeghene

Dit es tiaerghetijde dat bezet heift gillis de snic ende laurencie ouaers zijn wijf voor hemleden ende voor huerleder vrienden Ziele vp sinte anthuenis zondach dat es tzondaechs voor sinxenen alle iare te deele ne de somme van xl s parisis in broode. Ende ooc een messe ghelesen van Requiem in onser vrau- wen cappelle ende gheuen den priestere daer vooren iiij s parisis ende den prochiepape vander kerke .j. s parisis voor dit iaerghetide te beconde- ghene tzondaechs der vooren Ende dit voorseijde iaerghetide zal ghedueren eenen termijn van xxviii iaren. Waer of dat eerste iaer be- ghinnen zal Anno xv.C xxij. tot den hende vanden voorseijden iaren. Ende voort zo es ooc ghehouden de priestere die dese messe lesen Zal te gane ten graue achter de messe ende lesen daer eenen de profundis voor die zielen ende voor alle zaleghe zielen Ende dit

es bezet vp twee ghemeten lands de strate die van zunnebeke naer beselare waert gaet vp de oost zijde ende west waert tot wijlen ian becaerts wallekin ende de noordzijde de weesen van gheeraert van westvoorde