LIT-055

Algemene gegevens

Analytische datum: 24-01-1269

Opmerkingen analytische datum: De feestdag van Sint-Vincentius valt op 22 januari; rekening houdend met het gebruik van de paasstijl, verwijst de datum naar de donderdag na 22/01/1269, nl. 24/01/1269.

Type: Gift door Walterus de Schirevelde en zijn echtgenote van inkomsten aan de kapelanij van OLV in het hospitaal van Roeselare

Beschrijving: Ridder Walterus de Schirevelde en zijn echtgenote, Margareta, begiftigen de kapelanij van OLV in het hospitaal van Roeselare met de nodige inkomsten [+ opsomming van de verschillende inkomsten].

Tekst

[Overgenomen uit Angillis(3), 292-294]

[p. 292]

Universis presentes litteras visuris, Walterus de Scirevelde, miles, et Margareta, eius uxor, salutem in Domino sempiternam.

Noverit universitas vestra quod cum Walterus dictus Schelewaerd et Margareta, eius uxor, contulissent certam pecunie summam ad comparandos redditus perpetuos ad opus capellanie instituende in hospitali de Rollario, in honore Beate Marie Virginis, de consensu eorum quorum interfuit pro dicta pecunie summa nobis tradita et deliberata ad opus dicte capellanie assignamentum quod subsequitur in forma subnotata fecimus mera et spontanea voluntate, et ob evidentem nostram utilitatem, capellanos qui dicte capellanie deservient pro tempore in futurum, assignantes primo ad quandam peciam terre jacentis in parochia Rollariensi, inter domum Segardi de Viele et domum Henrici Wickere, continentis octo mensuras lineam minus, ad mensuram Rollariensem, ad quamlibet videlicet mensuram de decem solidis annui redditus perpetue, capiendis in festo Beati Martini hyemalis. Item ad tres mensuras lineam minus in eadem parochia iacentes que vocatur Biest, ad quamlibet videlicet mensuram de octo solidis annui redditus capiendi ad terminum predictum, que dicta terra ad nos spectat iure dominii. Item, ad undecim hodos avene et virtallam annui redditus, ad mensuram Rollariensem, nobis debitis de quinquaginta sex solidis et tribus denariis frandren., annuatim capiendis

[p. 293]

in festo beati Martini predicto, ad opus predicte capellanie, et ad decem et novem solidos et unum denarium annui redditus nostri, qui solvuntur apud Stocht, scilicet quindecim solidos in festo beati Martini predicto, et ad natale Domini viginti quinque denaria, et ad nativitatem beati Johannis Baptiste duos solidos ad quadraginta et tres solidos annui redditus nostri, in parochia de rollario, apud Beke, scilicet in Purificatione beate Marie viginti et tres solidos, et ad festum sancti Petri ad Vincula viginti solidos. Item ad quatuordecim solidos annui redditus nostri apud Rumbeke, quos solvunt Stalinus Middernacht et eius heredes, qui denarii dicuntur Oukelars, debita solvendos in Nativitate beati Johannis Baptiste; quod denarios antedictos avene et denarorum nos tenemus in feodum a Domino Rogero de Ysenghem, milite. Predictum autem assignamentum rite et legitime fecimus, prout decet, coram scabinis hominibus nostris necnon omnibus aliis quorum noticia ad hoc fuit necessaria requirenda. Tali conditione adiecta, quod nobis et heredictus nostris liceat libere et quiete dicta assignamenta earumdem terrarum et avene tenere pro estimationis earundem dictis capellanis a nobis et heredibus nostris solvendo. Ita tamen quod si nos, vel heredes nostri, a solutione dicti pretii estimationis per unum annum deficeremus, liceret dictis capellanis, pro tempore dicte capellanie deservientibus, dictos terram et hodos avene ad se simpliciter revocare, et de eisdem in futurum disponere prout et capellanie viderent expedire, nobis nichil iuris reclamaturis in postorum in eisdem. Preterea Margareta predicta expresse renuntio omni iuri in competenti vel valenti competere, in dictis terris redditibus avene et denariorum, ratione dotis, dotalicii, donationis propter nuptias, ususfructus, cuiuscumque assignamenti facti, seu alia quacumque cause asserens nec non vi, non metu, non dolo, sed et spontanea voluntate ad faciendum premissa introductam, promittimus enim nos dicti Walterus, miles, et dicta Margareta fide

[p. 294]

et iuramento corporaliter prestitis, quod contra predictum assignamentum, renuntiationem litteras presentes contenta in eisdem vel de cetero non veniemus per nos, vel per alium, vel venire procurabimus in futurum, sed premissa omnia et singula simpliciter bona fide sine aliquo subterfugio aut conditione inviolabiliter, fide et iuramento predictis, promittimus observare. Volentes et concedentes quod si contra premissa vel aliquod premissorum veniremus, seu dictos capellanos in aliquo impediremus quo minus dicto assignamento gaudere et fructus predictos et redditus percipere pacifice valeant et quiete, quod ad desistendum ad solam denuntiationem capellanorum predictorum et ad garandisationem dictorum assignamenti et reddituum absque probatione attentenda per censuram ecclesiasticam compellimus quantum ad premissa et ad premissorum observantiam nos iuridictioni reverendi patris nostri J. Dei gratia venerandi Tornacensis Episcopi, eiusque successores et eorum curie Tornacensis simpliciter supponentes; propterea ego Rogerus de Ysenghem, miles, omnibus et singulis premissis in quantum nostra interest et ad nostrum dominium pertineat, intuitu pietatis divine consensum expresse adhibemus in omnibus et assensum. In cuius rei testimonium nos Rogerus et Walterus, milites predicti, presentibus litteris sigilla nostra dignum duximus apponenda. Et quia ego Ma[r]gareta predicta presentibus litteris sigillum apponere debui et sigillum proprium non habui, rogavi virum venerabilem et discretum magistrum Petrum, decanum Christianitatis Rollariensis, quod sigillum suum presentibus litteris apponere dignum duxit.

Datum anno Domini millesimo ducentesimo sexagesimo octavo feria quinta post Vincentii.