BRU-AGSB-Z-n1624
Algemene gegevens
Opmerkingen analytische datum: Het stuk is niet gedateerd.Type: Overzicht van het ritueel bij de inkleding van een nieuwe kloosterling
Beschrijving: Overzicht van het ritueel bij de inkleding van een nieuwe kloosterling.
Tekst
benedictio habitus Religiosorum
1° Adiutorium nostrum in nomine Domini Qui fecit coelum et Terram Dominus vobiscum
Oremus
Domini Jesu Christe qui tegumentum Mortalitatis n[ost]re Induere dignatus es Obsecramus Jmmensam tue largitatis abundantiam: ut hoc genus Jndumenti quod Sancti patres nostri ad humilitatis Judicium abrenunciantes seculo ferre sanxerunt Tu ita bene + dicere tua benedictione digneris: ut hic famulus tuus qui eo usus fuerit te Jnduere mereatur qui viuis et Regnis cum Deo e[t]c[e]t[er]a
Oremus
Deus eternorum bonorum fidelissime promissor et Certissime Persolutor qui vestimentum salutis et indumentum iucunditatis tuis fidelibus promisisti Clementiam tuam humiliter exposcimus ut hoc indumentum humilitatem Cordis et contemptum mundi significans quo hic famulus tuus visibili est informandus proposito propitius bene + dicas ut beate abnegationis Habitum quem te Jnspirante suscepit Te protegente custodiat et quem vestibus venerande Religionis S[ancti] P[atris] Augustini induere volumus beata facias immortalitate vestri per Christum e[t]c[e]t[er]a
Oremus
Domini deus bonarum virtutum dator omnium benedictionum largus Jnfusor te obnixius deprecamur ut hanc vestem bene + dicere et sancti + ficare digneris quam famulus tuus pro Judicio agnoscende Augustiniane Religionis Jnduere desiderat ut inter reliquos Augustinianos Canonicos Tibi agnoscatur per Christum e[t]c[e]t[er]a
Deinde aspergite Jndumenta Abbas aqua benedicta et odolet Jncenso
Forma quo vtitur Abbas dum Jnuestiendum exuit vestibus secularibus
3°
Exuat te Dominus veterem hominem cum actibus suis R[espondebit:] Amen Deinde dicit Abbas: Dominus vobiscum et cum Spiritu tuo
Oremus
Deus virtutum supplices deprecamur clementiam tuam ut famulum tuum miserationis tue abundatia ab omni vetustatis ereptione ex purges et capacem sancte nouitatis efficias per Christum e[t]c[e]t[er]a
Oratione finita habitum Ordinis illi Imponit Abbas dicendo faciens signum Crucis super illum cum habitu: Jnduat te dominus nouum hominem qui secundum Deum creatus est in Justitia et Sanctitate veritatis in Nomine Patris et Filij et Spiritus Sancti Amen
Jmponendo Ephod Tunicam lineam Rochettum nuncupatum Superpellicium sicut et cum tribuit Almutium Dicit Abbas: Accipe Jugum Domini Jugum enim eius suaue est et onus eius leue Jn nomine Patris e[t]c[e]t[er]a
Dum cingit Cingulo benedicto dicit Abbas Accipe Cingulum hoc benedictum super lumbos tuos in signum Castitatis et Continentie Jn Nomine Patris e[t]c[e]t[er]a
Nouitio Jam benedictis vestibus Jnduto et coram se flexis genibus existente dicit Abbas: Dominus vobiscum e[t]c[e]t[er]a
Oremus
Adeste Domine Supplicationibus nostris et hunc famulum tuum bene+dicere dignare cui in sancto nomine Tuo sancte Religionis nostre habitum dedimus: ut Te largiente deuotus Jn ea persistere et vitam percipere eternam per Christum e[t]c[e]t[er]a veni Creator Alia obseruantur Pro ut in statutis Monasterij
Ordo qui seruatur in Jnuestitione Nouitij facta per Jpsum prius professione Fidei iuxta formam Conc[ilii] Trident[ini]
Jmmediate cantato Euangelio primo benedicit Abbas sub forma verborum ut supra Jnterea Jnuestiendus adducitur ad locum Jnuestitionis medius inter Diaconum et Subdiaconum ibiq[ue] se prosternet donec Jnterrogetur ab Abbate
2° Quid petis Charissime? Erectus manens genibus flexis Resp[ondebit:] Peto Dei Misericordiam vestram Societatem et[cetera] prout in statutis
Jnquirit Abbas: Vtrum canonicum aliquod non obsistat Jmpedimentum quo minus Religionem intrare et profiteri valeat?
Jmpedimenta legitima si nesciat poterunt si per Abbatem (si antea factum non fuerit) aut aliquem Assistentium declarari Reponso accepto Nullum canonicum obsistere Jmpedimentum
Fit exhortatio ab Abbate vel ab alio ab eodem ad hoc deputato Jn qua tum priuilegia tum vel maxime Difficultates Ordinis sicut quanta districtione Obseruatio votorum et Regule exigatur ab ijs qui vota fecerunt et quam Seuere negligentes et contemnentes indicandi sunt a Deo in extremo Judicio candide aperiantur e[t]c[e]t[er]a prout fieri expresse statuta Monasterij exquirunt
Finita exhoratione petit Abbas An hec omnia pro Salute sua et Deo libenter subire velit?
Respondet: De sola Dei benignitate confisus et vestris precibus et sacrificijs animatus ea perficere et adimplere connitar Quod Respondebit Abbas: Dominus det tibi hec omnia adimplere ut ad vitam eternam possis peruenire Deinde ante Abbatem flectens iunctas manus inferet inter manus eius dicetijs[?] ei Abbas que sequuntur:
[In de linkermarge: vis ea que statas sunt religiosi pro Deo et Salute tua libenter subire vel vis ordinis difficultates molestias tentationes et turbationes in servitio die et regulari observantia pro Deo et Salute tua lubenter subire?]
Ex parte Dei et Nostra suscipimus te et Concedimus tibi nostram Societatem hac tamen lege: ut sicut in tua manet voluntate infra annum redire ad seculum; Jta manet in Nostra libertate si (quod absit) conuersatio tua Nobis displicuerit te dimittere
His dictis vestibus secularibus exuitur et Religionis Jnduitur Sub forma verborum pro ut Supra et Ab Abbate et Religiosis Singulis in osculo pacis accipitur quo finito reducitur ad locum ante Altare Jbiq[ue] hijmnum Veni Creator e[t]c[e]t[er]a
4° Veni Creator
Jncipit Choro prosequente mentes tuorum visita e[t]c[e]t[er]a
Absoluto hymno canet Chori versicularius vel Nouitius versus Sequentes sine cauda
vers. Emitte Spiritum tuum et creabuntur Resp. Et renouabis faciem Terre Vers. Ora pro Nobis Sancta E[t]c[e]t[er]a Resp. Vt digni efficiamur E[t]c[e]t[er]a Vers. Ora pro Nobis B[eate] P[ater] Augustine Resp. ut digni efficiamur e[t]c[e]t[er]a
Oremus
Deus que Corda fidelium S[ancti] Spiritus Jllustratione docuiste da Nobis Jn eodem Spiritu recta sapere et [...?]e eius semper consola[ti]o[n]e gaudere
Concede Nos famulos Tuos quesumus Domine Deus perpetua mentis et corporis sanitate gaudere et gloriosa B[eatae] Mariae semper virginis jntercessione a presenti liberari tristitia et eterna perfrui Letitia
Adesto supplicationibus Nostris Omnipotens Deus et Quibus fiduciam Sperande pietatis Jndulges Jntercedente B[eato] P[atre] Augustino Confessore tuo atq[ue] pontifice consuete Misericordie tribue benignus effectum per D[omin]um n[ost]ru[m] Jesum e[t]c[e]t[er]a
Finitis orationibus pergitur in officio Messe Jnuestito Jnfra missam in loco Jnuestitionis Sue se preparante ad Sacram communionem circa finem eiusdem Misse
Finita Solemni Missa deducitur per Religiosum ad stallum Suum Jn Choro ut cum ceteris Religiosis Jbidem Diuum officium canendo prosequatur
Finito Officio Diuino Abbas Nouitio Directorem assignat Cui vel Alteri res omnes Nouitij Durante Nouitiatu custodiendas tradit