BRU-AGSB-Z-n1462

Algemene gegevens

Analytische datum: 21-10-1356

Opmerkingen analytische datum: In zijn uitgave van deze kopie, vermeldt Angillis(3), 275, de datum als "Datum et actum … prima mensis Octobris, anno Domini milesimo trecentesimo quinquagesimo sexto"; de bron vermeldt duidelijk "die vigesima prima mensis Octobris".

Type: Bevestiging door de bisschop van Doornik van de stichting door Rogerus de Lichteruelde van de kapelanij van Sint-Joris in Ter Bets, bij Roeselare

Beschrijving: Bisschop Passchasius van Doornik bevestigt de stichting van de kapelanij van Sint-Joris in Ter Bets, bij Roeselare, door Rogerus dictus de Lichteruelde. Hij somt de bezittingen op die door de genoemde Rogerus gedoteerd werden [+ situering van de gronden], die samen jaarlijks ca. 20 pond parisis Vlaamse munt opbrengen. Dit werd bevestigd door de deken van de Christenheid van Roeselare, en door de schepenen van de locaties in kwestie. De bisschop legt de plichten van de kapelaan vast. Wanneer de functie van kapelaan vacant is, dan zal een nieuwe aangesteld worden door de bisschop van Doornik, op voorspraak van de stichter en zijn erfgenamen, zoals vastgelegd werd in BRU-AGSB-Z-n1462*.

Opmerking: Kopie. // BRU-AGSB-Z-n1462 neemt de tekst van BRU-AGSB-Z-n1462* over; voor de namen, instellingen en functies in dat document, zie daar. // Voor de tekst van de kopie van de stichtingsakte van de kapelanij van Sint-Joris in Ter Bets, verwijzen we naar De Potter, 359-364.

Tekst

[VOORLOPIG]

copia

Vniuersis presentes litteras inspecturis Passchasius Dei gratia Tornacensis Episcopus salutem in domino sempiternam Congaudentes exultamus in Domino cum illius fauente clementia qui super omnes gentes excelsus in altis habitans in coelo et in terra respicit oculo pietatis mentes fidelium adeo diuino amore succensas conspi- cimus quia in talibus deuotionis et charitatis operibus se exercet per que multorum crescit deuotio cultus augetur diuinus et animarum salus et etiam procuratur Sane nobilis vir dilectus nobis in christo filius Rogerus dictus de Lichteruelde Armiger nostre Diocesis sana meditatione percogitans fragilitatis humane condition[is] status certitudinem non habere sed quod esse videtur ad ea potius tendere ad non esse prouidentia suadente discreta et discre[tione] prouida consulente terrena atque transitoria cum spiritualibus et perpetuis bonis permutare intendens quamdam Capelleniam perpetuam ad eandem et gloriam cunctipotentis Dei beate et gloriose Virginis marie Genitricis eius Sanctorum et Sanctarum omnium pro sue et eius Vxoris ac Parentum et Amicorum suorum Animarum remedio et salute in Domo sua situ apud Betse in Parochia de Rollario Dicte nostre Diocesis in nomine et honore gloriosissimi martiris beati Georgij fundare disposuit et fundauit ad cuius Cappellenie dotationem terras et prata de bonis adeo collatis dedit contulit et perpetuo assignauit que Jnferius declarantur Et primo quatuor mensuras vnam lineam et triginta octo Virgas

terre arabilis sitas supra keremmersch in Parochia de Hogelede dicte nostre Diocesis sub domino nobilis et potentis Principis Domini Comitis flandrie videlicet inter terras Johannis de Essen et terras predicta quinque lineas et triginta tres virgas terre arabilis sitas et iacentes a parte Oost super dictum keremmersch inter terras Johannis De heede predicti et terras Willermi dicti molenaers Jtem duas lineas cum Dimidia terre arabilis in eadem parochia et sub domino predicto in loco dicto hau/nestr[ate] a parte noordt iuxta terras Willermi molnaers supradicti Jtem a parte west crucis sancti Amandi tenden[tis] iuxta alnetum septem lineas et viginti quinque virgas terre arabilis sub domino et Parochia predictis sitas et iacentes Jtem quatuor lineas terre arabilis sitas et iacentes a parte west immediate iuxta pitium terre supradicte Jtem vnam lineam et quinque virgas prati sitas et iacentes in loco dicto west Rost mersch Jtem vndecim lineas et duodecim virgas terre arabilis sitas et iacentes sub domino prefati domini Comitis in Castellania Jprensi a parte Oost ibi Dominus Rogerius de Jseghem est Scultetus in Verscharina de haselt videlicet in loco dicto de Boelt iuxta terras Thome dicti Clinx ex vna parte et ex alia iuxta terras quondam Johannis Witte Jtem nouem lineas et quaterviginti virgas terre arabilis sitas iuxta terras dicti Lancvoets a parte noord ultra viam Jprensem contigue terris Johannis dicti molenaers Quequidem terre et prata superius

declarata fuerunt et sunt dicte Capellenie bene et sufficienter assignata nec ulla admortisatione indigent sed sufficit illa sic simpliciter fore collata et donata adeo quia Capellani dicte Capellenie ipsis terris et pratis supradictis ac fructibus eorumdem gaudere et uti ponunt et poterunt perpetuis temporibus pacifice et quiete de usu lege et consuetudine Patrie et locorum in quibus huiusmodi terre et prata iacent et consistunt valueruntque et valent ac valere ponunt et poterunt comiter et legitime singulis annis in perpetuum viginti libras parisis et amplius monete flandrie sunt de his omnibus et singulis tam per diligentem Jnquisitionem a dilecto Decano nostro Christianitatis Rollariensi de speciali mandato nostro super hoc factam que per litteras et cartas Scabinorum dictorum locorum inde confectas sumus sufficienter informati Quocirca prefatus Rogerus nobis humiliter supplicauit ut Dictam Cappellaniam bene et sufficienter esse fundatam et dotatam pronunciare et declarare dignaremur Nos Jgitur huiusmodi suplicationii tamquam pie et rationabili fauor abiliter Jnclinati volentes eius tam laudabile propositum preducere ad effectum predictam Capelleniam bene et sufficienter esse fundatam et dotatam authoritate nostra ordinaria pronunciauimus et declarauimus in his scriptis statuentes eadem authorisate qu[od] Capellanus quicumque post primum in dicta Cappellania canonice instituetur infra annum a die sue Jnstitutionis et pacifice possessionis eiusdem in P[res]b[yte]rum se faciat

promoueri et personaliter resident in eadem quoque primus Capellanus quatuor missas qualibet hebdomada per Sacerdotem Jdoneum in dicta Cappellania celebrari omnes vero et singuli alj post primum Capellanum instituendi in eadem celebrare nisi legitimo Jmpedimento fuerint occupati quo casu per alium celebrare facere n[ecessa]rio sint restricti collatione et prouisione dicte Cappellanie quoties eam Deinceps vacare contigit nobis et successoribus nostris Tornacensibus Episcopis ad presentationem dicti Rogeri fundatoris ac heredum eiusdem perpetuo re- seruatur prout eidem a Sede Apostolica est indultum per litteras apostolicas super hoc confectas quarum tenor sequitur in hec verba Jnnocentius Episcopus Seruus Seruorum Dei Dilecto filio et nobili Viro Rogero de Lichteruelde Domicello Tor- nacensis Diocesis salutem et Apostolicam benedictionem deuotionis tue sinceritas qua eterno Regi placere Desiderans rationabiliter nos inducit ut desiderijs tuis illis propositumque diuini cultus augmentum respiciunt oportunis fauoribus a...us Exhibite siquidem nobis pro parte tua petitionis series continebat quod tu de salute propria cotigans cupiensque terrena in coelestia et tran- sitoria in eterna felici commercio commutare pro tue ac Vxoris et Parentum omniumque amicorum tuorum animarum remedio ad honorem Dei et beati Georgij martyris quamdam Capellani infra limites Parochie Ecclesie de Rollario West Tornacensis Diocesis spectantis ad presentationem Dilectorum

filiorum Abbatis et Conuentus monasterj beate marie de Sunnebeke ordinis sanctissimi Augustini Morinensis diocesis edificare ipsamquem de bonis tuis patrimonialibus in viginti libris parisis monete flandrie annis et perpetuis redditibus dotare proponis[?] Quare pro parte tua nobis exstitit humiliter supplicatum ut tibi fundandi et edificandi dictam Capellam infra limites supradictos jure patronatus ipsius Cappelle tibi et heredibus tuis in perpetuum reseruato concedere licentiam dig- naremur Nos Jtaque hoc tuum laudabile propositum in Domino commendantes hac volentes votis tuis fauorabiliter annuere in hac parte tuis supplicationis Jnclinati predictam Cappellam infra dictos limites fundandi et edificandi dote huiusmodi sibi de bonis eisdem primitus assignata dieces... loci ac dictorum Abbatis et Conuentus licentiam munimine requisita Juroque bilias dicte parochialis Ecclesie et cuiuslibet alterius in omnibus semper saluo plenam et liberam authoritate Apostolica tibi licentiam de speciali gratia elargimur iure patronatus eiusdem Capelle tibi et heredibus tuis in perpetuum reseruato nulli ergo omnino huiusmodi liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit Jndignationem omnipotentis Dei et Beatorum Petri et Pauli Apostolorum eius se nouit incursurum Datum Auinnon iij° nonas Decemb. Pontificatus nostri Anno primo in quorum omnium testimonium premissorum presentes litteras ad perpetuam rei memoriam

fieri mandauimus Sigilli nostri munimine roboratas Datum et Actum Tornaci die vigesima prima mensis Octobris Anno Domini milesimo Tre- centesimo quinquagesimo Sexto et in plica erat signatum J. Nasardi

C[ol]latione facta cum suo originali concordat me testor M. Vand[er] Stichele

... Roesselare

Copie vande fondatie vande Capelrije van S[in]t Jooris te betse bij roesselare anno 1356