BRU-AGSB-Z-n1409

Algemene gegevens

Type: Legger van de hernis van de abdij van Zonnebeke te Lampernisse

Beschrijving: Willem de Busschere, gezworen landmeter in Veurne-Ambacht, stelde een legger op van de hernis te Lampernisse binnen Veurne-Ambacht, die toebehoort aan de abdij van Zonnebeke. Dit gebeurde op verzoek van Jan van Gharbeeque, baljuw en ontvanger van deze hernis.

Tekst

[VOORLOPIG]

Lampernesse

hier af hebbe ick recepisse verleent 30 [octo]bre 1752

Dit naervolghende es de grootte ende de beleghertheede vander heernesse de welken Die toebehoort der kercke te cloostere van zunnebeeke gheleghen binder kuerre van veurenambocht ende dat binder proichie van lampernesse ghemeten ende al nieuwe verleghert bijder handt van mij willem de busschere ghezwo ren lantmeetere in veurenambocht Jtem bij weeszene van pieter de crane Jacob de sot meesterre Jan stratin prieestere ende proichiepape van lampernesse voorseijt Jan bootsone Jacob de boem clais de verwere ende gillis van loo ende dat ter begaertte ende versoucke van Jan van Gharbeeque in deessen tijden bailliu ende ontfanghere vander seluer heernesse ghedaen Jnt tJaer ons heerren duust vierhondert ende neghenendetneghentich

Eerst een lijttel noortwest waert vander kercke noort vander strate die compt vander cruuce te lam pernesse waert eene hofstede dewelke die wijllent toebehoorde miin heerre omaerre de crane ruddere ende nu toe ectoor van berckiin daer nu ten tijden woent de voorseijde clais de verwere de hofstede metten singhelen rontomme metten boemghaerde metter noortoost zijde ande gharonde gracht groot ziinde acht linen vieerre waert twintich ende een roede ende dit voorseijde landt met meer dat hierre naer volcht dat den seluen ectoor toebehoort metter seluerre hofstede es al een hoftmanscip

Bet suut Daerre an twee grootte sticken suut waert strec kende tooter voorseijder straette die loopt te lampernesse waert ende heuet toosterste stic ten suut oost houcke eenen haeg ende vppe de west zijde vanden west tersten sticke met eender dreue tootter voorseijder strate ende es nu wel behout ghe...ct de voorseijde straette Jeghen de scip gracht twee voeten voor den liinnewech ende zeuen voeten voor de meene wech tremenandt vander voorseijder straette tonszen lande waert ligghende metter west zijde vander voorseijder dreue Jeghen een hofstedikin ende voor... singhele dat toebehoort pieter de crane ende pieters voorseijds landt ende an tleen van gorijs paeldiinc metter oost zijde ande voorseijde pieter de crane ende prieestaerze lampernesse landt als ter plaetse zeuenghemeette een line ende viueendartich roelandts hier of Jnt toosterste stic de disch van lampernesse een ghemet ende een vieerre endeel gheldende Jaerlijcx te landtsculden inde voorseijde heere nesse vj s x d 1/2 parisis aldus bliuet ectoor voorseijt ses ghemete ende tsestich roeden gheldende inde voorseijde heere nesse

JtEm ten noordt West houcke vander voorseijder hofstede ende boemgaert benootoostin daer an een vijfhouckestic streckende metten noortoostende anden heerre Jan vanden houe prieester landt ende metter noortwest zijde an

Die van taerrenburch landt groot ziinde vijf linen ende een half toebehoorende ectoorre voorseijt gheldende inde heernesse

BEt suut Oost daer an boosten de voorseijde hofstede ende singhele ende ande voorseijde garonde gracht zeuen linen toebehorende ectoor voorseijt gheldende inde voorseijde heernesse

BEt suut oost daer an boosten de Voorseijde Gharonde gracht ende es een stic met eenen hake vppe de suut zijde vanden sticke groot zinde vijf linen tseuentich ende vier roeden toebehorende ectoor voorseijt gheldende inde voorseijde heernesse

Bet suut oost ende bet suut west daer an een stic met eenen hake boosten vppe de garonde gracht metter suut zijde an pieter de crane landt oostwaert streckende ende heuet ten oost... een smal crommeinde ende metter suut zijde vp den dilf daer de hernesse scheet groot zinde drie ghemete lijttel min of meerre toebehoorende piter de crane gheland Jaerlijcx te lantschulden inde voorseijde heernesse sestien scelle sespenne parisis

JtEm ten oosten vanden seluen sticke benoorden daeran boostin ende bezuuden ande voorseijde ectoor landt groot twee ghemete per vijf roeden toebehoorende victoor mas... voorseijt gheldende inde voorseijde herrnesse

bet oost daer an een vijfhoucke stic benoorden an pieter de crane landt ende bewesten an een Jeghenoode die men heet tsmessers twaelf ghemete groot zinde Drie ghemete ende viueendetwintich roeden ende beho ort toe victoor masin voorseijt comt bede dese voorseijde sticken vijf ghemete ende twintich roeden ende es een hoftman scip Jaerlijcx gheldende inde voorseijde heernesse xxvij s x d parisis tiaers

Bet noort daer an een lanc stic oostwaert streckende boosten ande voorseijde ectoor van berckin landt ende metten oostende ande voorseijde ende waren willenneerre? twee sticx groot weesende twee ghemete ende een half ende acht tien roeden toebehoorende den voorseijden ectoor van berckin

Somma van alle den lande dat toebehoort den voorseijden ectoorre ghaende metter voornomde steede zeuenthien ghemete twee linen ende drieendedartich roeden ende es een hooft- manscip van vier pondt zeuentien scelle neghen penne parisis tiaers

bet noort daer an ende boostin ande voorseijde ectoore landt dat willenneer waren twee sticken metten oostende ande voorseijde xij. ... ende metter noort zijde ande Disch landt van lampernesze ende an ectoore van berckin landt groot zinde? tien linen ende ne ghenendetwintich roeden ende behoort toe den here Jan vandenhoue prieester canonic in veurne ende ghelt Jaerelijcx inde voorseijde heernesse t...en hooftman schepe xviij s iiij d parisis tiaers

bet oost daer an benoorden an merJoncvrouwe de weduwe van gJoos van wilsbrgghe. landt ende antdisch landt van lampernesse groot ziinde ses ghemeeten ende drien ende twintich roeden ende es ghenaemdt de helt van tsmessers twaelfghemeten

Bet suut daerre an streckende oost ende west ten noort westhoucke met eenen clenen halffikin besuuden an Jan de weghenerre lant boostin an victoor masins lant ende benoorden an sarels maellighere lant groot zinde vijf ghemeten twee linen ende twintich roeden dus? comt beede dese twee voorseijde sticx twaelf ghemeten preter zeuenendeuichtich roeden ende ziin ghenaemt tsmessers twaelf ghemeeten als vooren hier of heuet sintJans huus in brugghen tvierendeel comt drie ghemeten pieter? veertien roeden ende een vierendeel roets ende es een...

keert omme

Een Hooftmanscip sestien scelle drie penne 1/2 parisis tiaers

JtEm Jacob de sot heuet Int tzelue ouer tvierendeel drie ghemeten preter xiiii roeden ende J. vierendeel ende es een hooftmanscip van sestien scelle drie penne 1/2 tiaers

JtEm den dish van Lampernesse heuet hierre an? eenghemet preter vier roeden ende drie vierendeel vanden roede min ende ghelt tiaers inde voorseijde hernesse vijf scelle vijf penne siaers

JtEm de prochiepape van lampernesse ... Jmeten preter twee roede ende een halfue min eenen achtstedeel van eenen roede ende ghelt ande voorseijde heernesse twee scelle acht penne 1/S tiaers

Ende ectoor van berckin heuet hier in vierre ghemeete een line ende xxix roeden preter een achtstedeel vanden... roede ende es een hooftmanscip vierentwintich scelle vier penne 1/2 tiaers ende ligghet alle ghemeene ende onuerdeelt in beede de voornomde sticken

bet oost daer an benoorden an omaerre maellighere lant [pieter bladelin] ende besuuden an Jan de waghenaere ende pieter blade lin landt een vijf houcke stic groot acht linen ende sesenvijchtich roeden ende behoort toe pieter bladelin ende ende hernesse voorseijt

Bet oost daerre an noch vijfhoucke stic met eenen Walle boosten ende benoorden ande voorseijde Jan de Weghenare landt ende an pieter bladelins lant bewesten ouden zedijc ende metter suutzijde an omaerre maelghere landt groot ziinde vijf ghemete ende xxx ende behoort toe merJoncvrouwe de wedewe van wijllent van Joos van wilsberghe gheldende inde voorseijde hernesse teenen hooftmanschepe xxvij s x d 1/2 tiaers

JtEm ten noordt westhoucke bewesten daerre an beid orden an pieter bladelin lant benoorden ende boosten ande voorseijde xij ghemete metter noort zijd Jeghen den disch van lampernesse ende den kinderen Jacob de sots lant groot zinde drie ghemete ende een half preter v. p gheldende inde voorseijde hernesse

Jtem ten noortoosthoucke boosten daer an een lanc smal sticxkin oostwaert streckende metten oostende anden zedijc besuuden an Jacob de Sots kinderre lant ende benoorden an mer voorseijde Joncvrouwe weduwe van gJoos van wilsberghe lant groot twee linen ende lxx roeden ende xv roeden hier of Jan de waghenare vijf linen ende xxv p twelke dat nu ten tijden toebehoort Jacob de sot ende dat bij coope ende es J hooftmanscip acht scelle ses penne parisis tiaers pieter hoellepijppe vijf linen ende

xxv roeden ende es een hoftmanscip van acht [pieter bladelin] scelle ses penne parisis tiaers Jtem pieter bladelin een half ghemet ende xv p aldus comt pieter bladelin voorseijt metten viij linen ... vooren ghenoemt drie ghemete een linen ende xxj p gheldendende teenen hooftmanschepe v s vj vanden ghemete achtien scelle viij d 1/2 parisis tiaers

Bet noort daerrre an in een groot Wonderlijcke crom stic dat willeneer van hofstede ghesijn heuet boosten ande Disch landt van lampernesse bewesten anden zedijc Jacob de de sot vppe suut zijde vanden seluen sticke vijf linen ende tsestich roeden gheldende te lantschulden in de voorseijde heernesse tien scelle drie penne parisis tiaers

Bet oost Daer an boosten anden zedijc benoorden an omer de crane carels de crane ende ector van berckin lant een zeer lanc stic oostwaert streckende metten oostende ant tclooster van wercken lant groot zuud vijf ghemete twee linen ende tzeuentich roeden hierre af omer de crane carels de crane ende ectoor van berckin ghemene vijf ghemete een linen vj roen ende es een hooftmanscip van neghen ende

twintich scelle acht penne 1/2 tiaers ende den disch van lampernesse ... ymeten? xiiij roeden gheldende inde de voorseijde hernesse drie scelle parisis tiaers

bet noort daer an benoortoostin ande voorseijde zedijc met eenen clenen halssikin een groot stic dat willenneer toebehoorde clais marteel ende behoort nu toe Jan de provoost streckende alzo verre oost als tandere voorseijde stic metter noort zijde an Jans booms landt bezuuden endeboosten ant tdisch lant van lampernesse ende ooc be suuden an omer de crane lant zijdende vp een sticke lants metter noort zijde ande bauen[?] bric brigghe ende de garonde gracht acht ghemete twee linen ende v roeden ende es een hooftmanscip van lv s v d parisis tiaers

bet noort oost Daer an een vierecant stic ligghende metterre noort zijde vp een stic lants de garonde gracht vierre ghemete ende lxx roeden ende behoort toe Jacob de boom ende es een hooftmanscip van drieendetwintich scelle drie penne 1/2 parisis tiaers

bet suut daer an een viercandt stic strect oost ende west metten westende an omer de crane carels de crane ende an ectoor van berckin landt groot zinde elleuen linen ende xl roeden toebehoorende de triniteit van honsscote ende Jan baldekin ende ziin twee hooftman schepen

Daerof dat de triniteit ghelt Jaerelijcx xij s xj d parisis ende de voorseijde Jan baldikin ghelt jaerlijcx int tzelue stic viij s parisis

bet suut daer an een zeerre lanc stic strect oost ende west ende es vppe de suut zijde zeerre crom metter noort zijde an omer de crane lant met carels de crane ende ectoor van berckin vijf ghemete ende een half ende viueendedar tich roeden ende behoort toe tclooster van wercken ende ghelt Jaerlijcx tene hooftmanschepe xxx s x d 1/2 parisis tiaers

Bet oost daer an een groot stic strect suut ende noort metten suut ende ande singhele ende boemgaert vander hofstede dewelke die toebehoort omaer de crane met ziinnen voornomden medepleghers daer nu ten tijden woent Jan bootsone metter oostzijde an gillis de herrtoghe lant groot zuude zeuen ghemete een linen ende xlv p ende es een hooftmanscip van xliij s viij d parisis tiaers toebehorende Jan baldikin

JtEm een lijttel bet noort oost eene hofstede metten singghelen benoorden ende bewesten daer voorseijde hofstede met eenen grooten cromme sticke bewesten daer hoofstede ... singhele suutwaert streckende metten suutende ende oost zijde an pieter de cranen lant ende metter west zijde

An Jan baldekins voorseijt landt bet noort hier an noch een sticxkin hakende benoorden ande voorseijde singghele bewesten ende boosten an pieter de crane lant metter noort zijde an omer de crane lant ende noch viersticken boosten besuuden daer voorseijde hofstede alle vierre de voorseijde sticken ... oost waert streckende daere of de twee oosterste streckende metten oostende vppe oude ... gracht ende ghe heele noort zijde es gheleghen Jeghen tleen ende tlant van pieter den crane ende Jnt tghelijcx de ghehele zuut zijde comt als ... plaetse achttien ghemete twee linen ende xxxv p lijttel min of meerre dat willenneer toe behoorde colaert hacquelin ende es nu gillis de hertooghe ende es een hooftmanscip van vijf pont veertien scelle acht penne 1/2 parisis tiaers

JtEm de voornomde kerk van zunnebeke heuet noch een erfuelijc rentte van tien pondt parisis tiaers eruelijcke rentte beset ende gheassinneert vppe eene plaetse van lande dat willenneer een hofstede ghesiin heuet ende es ghenaemt thof ten poorklin? met xxiiij ymeten? ende viij roeden lants toebehorende mervrouwe van artsies ligghende inde selue prochie van lampernesse al verre noort oost vande kerk oost vanden zedicke ende siin vele sticken te wetene den wal dat willen neer de hofstede was metten voorsticke west waert buutte vppe de suut zijde ende suut oost houc met eenen dreue west west waert tooten zedijcke benoorden an tlant dat toebehoort miin herre van gha sebeke besuuden an miin herre Jan den baenst lant x linen ende lvj p

benoorden ende boosten daer an oostwaer streckende metter suut zijde alzo der walgracht oostwaert strect jeghen tlandt van miin her van ghasebeke ende metter noort zijde Jeghen den baenst lant ende Jacob sbooms lant ende waren hiere voortijts vijf of vj sticken ende strect oostwaer de noort zijde met eenen crommen dilf groot xiiij ghemete ende een half lijttel miin of meerre oost daer an oostwaert streckende de noort zijde zeere crom benoorden miin her van ghasebeeke ende Jan vanden abeele lant besuuden ande kinderre omaerre

colins lant ende metten oostende an christiaen huibbe lant groot weessende vj Jmeten ende ij roeden Comdt als Somma als voren

Willem busschere

belegerijnghe vande Hernessen bijnen lampernesse anno 1499

Lampernisse