BRU-AGSB-Z-702

Algemene gegevens

Type: Overzicht van tienden van de abdij van Zonnebeke te Wervik, Bonduwe en Linsele

Beschrijving: Overzicht van verschillende tienden die de abdij van Zonnebeke bezit te Wervik, Bonduwe en Linsele [+ situering van de gronden].

Tekst

Sensuiuent aultres dismages que ledict Abbe et Couuent ont gisant a Werui dismant tousiours a lonzime que dessus est desclare ou il prentent de trois garbes les deux et se comprent ledict dismages son comminchement ensuiuant la becq que vient de la maison Jean bonduel entre les prez de barbe wagon et des hoirs matelin guiesgre et ainsi ensuiuant vers werui iusque au petit cheminet qui passe pardeuant la maison de Bauduin de le dalle ensuiuant cedict chemin iusque a la piedsente quel vient aux prez de la vefue aupres de le motelette vefue masarelle ainsi montant en hault vers Lanoij iusque en d camps qui se vient en bellon alencontre de ceux de Comines et ainsi retournant iusque aux departemens predis sur cest becq

En oultre ont lesdict Abbe et conuent vn petit dismage qui sestent en la paroisse de bondue lequel prent son comminchement alencontre le grand dismage dudict linselles deriere la grange des hoyrs et Jean Cornille, et ainsi sur le chemein des ficheix allant a bontri et ainsi en montant vers le braie auquel dismages vient le dismages de sainct Vas de bondue et se disme tout[?] a lonzime reserues vne pieche de terre quel git aupres dudict chemein predict contenant en grandeur [...?] trois cens ou enuiron lequel pardit[?] de gens tousiours se [...?]ez au trentime et quand a ce le curé L'emporte et Lat tousiours emporté: et ainsi reuenant ledict dismage que pardeuant sur le chemein qui va de linselles a bondue aux camps qui sont appertenant a la cense de serthaut

Jtem au dessus de che ont lesdict abbe et Conuent deux boniers et demi de terre ou enuiron gisant a Linselles tenus de la seigneurie de sonnebeke et du francq de linselle laquelle terre est appellee den meunicke drijchs gisant et saboutant au chemein qui va du blaton vers Linselles aupres du molin dudict Linselles