BRU-AGSB-Z-54

Algemene gegevens

Opmerkingen analytische datum: Callewaert(1), 109, nr. 101: 'Avril 1263'. "L'acte pourrait être à la rigueur de l'année 1264. Car l'année pascale 1263 s'étend du 31 Mars 1263 au 19 Avril 1264." // Wij volgen de redenering van Callewaert, en nemen het jaartal over zoals het er staat.

Type: Bevestiging door Milo de Anemoinne van de gift van de Bourgogne-tiende door zijn vader aan de abdij van Zonnebeke

Beschrijving: Milo de Anemoinne, zoon en erfgenaam van wijlen heer Henricus de Burgundia, laat weten dat zijn vader, als gift en voor het doen van zijn jaargetijde, de Bourgogne-tiende te Zonnebeke aan de abdij van Zonnebeke schonk. Milo bevestigt deze gift, en wenst dat zijn jaargetijde na zijn dood in de kerk van Zonnebeke gevierd zal worden.

Opmerking: Callewaert(1), 109, nr. 101 vermeldt: "Original sur parchemin avec sceau en cire brune, pendant à double queue de parchemin. Le sceau de forme ronde porte au centre sur un écu en relief un lion; légende: + S. MILES DE BOURGOINGNE; pas de contre-scel. Aux Archives du Séminaire, fonds Zonnebeke, n. 54. Copie au cartulaire S, chap. 16. - Analyse et description à l'Inventaire diplomatique, p. 106."

Tekst

[Overgenomen uit Callewaert(1), pp. 109-111, nr. 101]

[p. 109] Universis presentes litteras inspecturis ego Milo de Anemoinne, filius et heres quondam domini Henrici de Burgundia militis, salutem in eo qui est omnium vera Salus. Notus sit omnibus tam

[p. 110] presentibus quam futuris quod cum pater meus, dominus Henricus de Burgundia miles, dedissent et concessisset ecclesie beate Marie de Sinnebecca, donatione inter vivos, in puram et perpetuam elemosinam pro remedio anime sue et matris mee, et pro aniversariis suis singulis annis in ipsa ecclesie faciendis, totam decimam quam habebat in villa de Sinnebecca et in locis circumadjacentibus, que quidem decima vocatur decima de Bourgonne, eog donationem et concessionem predictas ratas habens et firmas, totam supradictam decimam et totum jus quod in ea habebam vel habere poteram, tam ex morte patris mei quam alias quoquomodo, quitavi et donavi penitus et expresse ecclesie memorate. Ita quod dies meus anniversarius singulis annis post obitum meum in eadem ecclesia celebretur. Necnon eandem cum omni jure supradicto in dicta ecclesia, supra majus altare ipsius ecclesie, ad opus canonicorum ibi Deo servientium, resignavi, coram Waltero de Esquirevelde et quibusdam suis hominibus et pluribus aliis testibus ad hoc vocatis, a quo Waltero tenebam in feudo eandem decimam, qui siquidem Walterus abbatem sepedicte ecclesie ad petitionem meam investivit jure et decima supradictis nomine ecclesie supradicte. Promisi insuper corporali prestito juramento quod contra premissa vel aliquid premissorum per me vel per alium non venirem in futurum, et etiam me facturum et procuraturum infra stans festum beati Remigii vel cum primo ad villam de Synnebecca me reverti contigerit, erga Bliausendim uxorem meam, quod dictam decimam abbati predicte ecclesie et conventui quitabit penitus et expresse et quod in ea nihil juris ratione dotis vel assignamenti vel alias quacumque de causa per se vel per alium reclamabit in futurum et literas Ordinarii nostri, scilicet officialis de Lengres, super hoc confectas infra predictum terminum eidem me daturum. Quod si non facerem, promisi predictis abbati et conventui sub predicto prestito juramento me redditurum centum libras bonorum artisiensium nomine pene, pro qua pena, si committeretur, obligavi me eidem et bona mea mobilia et immobilia, si predicta uxor mea in dicta decima aliquod jus ulterius reclamaret. Ut hec autem

[p. 111] supradicta omnia et singula firma permaneatn, presentes litteras sigilli mei impressione roboravi et nomina testium qui resignationi et donationi predictis interfuerunt presentibus feci apponi: Johannes tunc abbas de Sinnebecca; Johannes de Commines; Johannes de Ypra, canonici et presbyteri ipsius ecclesie. Item frater Johannes de Synnebecca, diaconus et canonicus Sinnebeccensis; Johannes Storem, homo meus; Johannes Steurs; Lambertus Scamke; Henricus de Wiccus; Walterus Barai; Petrus filius Jane laici, et plures alii.

Datum anno Domini millesimo sexagesimo tertio, mense aprilis.

Carta pro decima de bourgonne.

Zunnebeke + Ratificatio Milonis de anemoinne filij henrici de burgundia donationis facte decimarum de burgundia anno 1263.