BRU-AGSB-Z-R13(kap101)

Algemene gegevens

Opmerkingen analytische datum: Callewaert(1), 108, nr. 100: 'Janvier 1263'. // Uitgaande van het gebruik van de paasstijl, werd het jaartal aangepast.

Type: Verlening in erfpacht van grond te Zonnebeke door de abdij van Zonnebeke aan Henricus dictus de Vico en echtgenote

Beschrijving: Abt Johannes van Zonnebeke verklaart dat hij grond van de abdij in erfpacht heeft gegeven aan Henricus dictus de Vico en Margarita de Reningels, zijn echtgenote. Het gaat om twee stukken grond in de buurt van Zonnebeke [+ situering van de grond] [+ gedetailleerde beschrijving van de jaarlijkse pacht: hoeveel, wanneer, bouwen van een woonhuis].

Opmerking: Callewaert(1), 108, nr. 100 vermeldt een kopie in Cartularium S, kap. 101.

Tekst

BRU-AGSB-Z-R13(kap101)

[Overgenomen uit Callewaert(1), pp. 108-109, nr. 100]

[p. 108] Universis praesentes literas inspecturis Johannes, permissione divina abbas humilis de Sinnebeka totusque ejusdem loci conventus salutem in Domino. Noveritis quod nos, pro utilitate nostrae ecclesiae quam in hoc comprobavimus evidenter, dedimus et concessimus Henrico dicto de Vico et Margaritae de Reningels, uxori ejus, tresdecim mensuras terrae nostrae arabilis et dimidium, sitas apud Sinnebeke in una pecia, videlicet inter mansuram Henrici dicti Boulard, ex una parte viae versus Ypram quae ducit ab ecclesia nostra apud Longam Marcham, ac etiam unam peciam terrae jacentem versus tegulariam nostram, juxta terram Willielmi de Hille, quae continet unam mensuram viginti una virgis minus, quam tenebamus a comite Ginnense, tenedam a nobis et a successoribus nostris sub annuo censu et sub forma inferius annotata; novem videlicet et dimidiam tantum quamdiu ipsi ambo vel alter ipsorum vixerint, et alias quatuor cum dicta pecia ipsis Henrico ac Margaretae ac haeredibus in perpetuum possidendas; pro quibus novem et dimidia idem Henricus et Margareta vel eorum alter triginta tres solidos tres denarios et duos capones, et pro aliis quatuor et pecia supradicta ipsi et eorum haeredes viginti solidos et septem capones, medietatem videlicet dictae pecuniae in Nativitate B. Johannis Baptistae, et aliam medietatem residuam cum dictis caponibus in festo S. Remigii subsequente nobis et nostris successoribus persolvent annuatim. Tenentur insuper praefati Henricus et Margareta in praedictis quatuor mensuris suam facere mansionem et ex tunc tam ipsi quam eorum haeredes nostri esse hospites. Ita quod si nostri hospites esse desierint et ad aliud dominium se transtulerint, dictae quatuor mensurae terrae ex tunc ad nos et ad ecclesiam nostram ita libere sicut modo sunt reverentur, cum melioratione quacumque ibi

[p. 109] facta, sive in domibus sive in quibuscumque rebus aliis consistat, nulla restitutione pro ea a nobis eisdem facienda. Quas dictas quatuor mensuras praenominati Henricus et Margarita capiant juxta mansuram Henrici Boulard, de quibus tantum duas mensuras ratione suae mansionis aedificandae ad quoscumque usus appropriari poterunt, aliis duabis mensuris ad tales tantum usus remanentibus de quibus praestari decima possit vel consuevit. Tenentur saepe dicti Henricus et Margarita de dictis tresdecim mensuris et dimidia undecim mensuras et dimidiam infra sex annos a festo Omnium Sanctorum nuper praeterito continue computandos totaliter et integraliter mallare, ita quod tenentur anno praesenti revoluto inchoare. Nos vero in hujus rei testimonium praesentes literas sigillorum nostrorum munimine duximus roborandas.

Datum anno Domini 1262, mense januario.