Niet ingelogd - Inloggen
Bekijk geschiedenis

BRU-AGSB-Z-76

Algemene gegevens

Analytische datum: 14-12-1336

Opmerkingen analytische datum: Callewaert(1), 146, nr. 134: '14 Décembre 1336'. // Bijkomende datering: "anno Domini millesimo trecentesimo tricesimo sexto" (1336).

Type: Overeenkomst tussen de bisschop van Doornik en de abdij van Zonnebeke betreffende het procuratierecht bij de visitaties van de kerk van Roeselare

Beschrijving: Andreas, bisschop van Doornik, verklaart dat hij en de kerk van Doornik een overeenkomst gesloten hebben met de abdij van Zonnebeke, betreffende zijn procuratierecht bij visitaties van de kerk van Roeselare. Er dreigde immers een conflict te ontstaan betreffende dit recht. In overeenkomst met zijn bisschoppelijke plicht en zijn visitatierecht, visiteerde de bisschop in 1336 de kerk van Roeselare, waarvoor de abdij van Zonnebeke het presentatierecht bezit, en eist hiervoor de gewone procuratie; de abdij gaat hiermee niet akkoord. Na tussenkomst van het kapittel van Doornik komt men overeen, dat de bisschop bij zijn eerste 'Blijde Inkomst' de som van 20 pond parisis Vlaams geld zou ontvangen, en bij ieder visitatie erna 10 pond parisis.

Opmerking: Callewaert(1), 146, nr. 134: "Original sur parchemin avec double queue parchemin, aux Archives du Séminaire, fonds Zonnebeke, n. 76. Copies simples, du XIVe siècle, sur parchemin, et du XVIIe siècle ibidem n. 76. Copie au Cartulaire S, chap. 117." // Het document werd bevestigd aan BRU-AGSB-Z-76*.

Tekst

test

[Overgenomen uit Callewaert(1), pp. 146-147, nr. 134]

[p. 146] Universis presentes litteras inspecturis Andreas, miseratione divina Episcopus Tornacensis, salutem in Domino. Noveritis quod cum inter nos ex una parte pro jure nostro et ecclesie nostre Tornacensis et religiosos et discretos viros nobis in Christo dilectos abbatem et conventum monasterii beate Marie de Sinnebeke ordinis Sancti Augustini, Morinensis diocesis, ex altera, suboriri timeretur materia questionis, pro eo quod cum ad nos de jure communi et ex more et usu predecessorum nostrorum pertineat omnes collegiatas regulares et seculares nostre predicte diocesis ecclesias non exemptas visitare et a locis visitatis procurationes ratione visitationum recipere, et nos debitum episcopalis officii exercentes et mandata canonica exequentes visitassemus anno Domini millesimo trecentesimo tricesimo sexto parrochialem ecclesiam de Rollario nostre predicte diocesis, cujus ecclesie presentatio ad prefatos religiosos dinoscitur pertinere, diceremusque ratione visitationis hujusmodi deberi nobis procurationem integram a predictis; ipsique e contra assererent se non teneri nobis pro procuratione predicta nisi ad summam centum et duodecim solidorum parisiensium usualis monete, quodque nulli de predecessoribus nostris post primam procurationem, ratione jocundi adventus, ratione procurationis et visitationis annue, ultra predictam summam quicquam receperant ab eisdem, sed solutione dicte summe semper contenti fuerunt, nobis e contra replicantibus quod procuratio que

[p. 147] ratione visitationis debetur propter bonum publicum, quod in visitatione versatur cujus occasione debetur, non potest quantacumque temporis prescriptione divelli nec tolli in totum videlicet nec in partem, saltem in parte ita notabili quod residuum non posset sufficere pro convenienti sustentatione episcopo cum sua familia et evectionibus sibi a jure taxatis pro expensis et victualibus una die, dum tamen facultates sufficiant ecclesie visitate. Tandem ad tollendam omnem altercationem et omnem materiam questionis que posset ex dissensionibus hujusmodi oboriri, et ne religiosis predictis propter excessum hujusmodi procurationis possent futuris temporibus nimium aggravari, nec etiam propter parvitatem procurationis seu quantitatis persolvende pro ea, bonum publicum contingat omitti quod ut predicitur in visitationis occasione versatur; actum et concordatum est inter nos, interveniente ad hoc consilio et assensu dilectorum nobis in Christo filiorum decani et capituli Tornacensis, quod nos et episcopus qui pro tempore fuerit pro procuratione annue, cum nos aut successores nostros dictam ecclesiam de Rollario personaliter visitare contigerit, post primam visitationem que dicitur jocundum adventus, recipiemus ab ipsis religiosis summam decem librarum parisiensium monete flandrensis, grosso turonensi regali pro duodecim denariis parisiensibus computato, pro procuratione nostra, quem ipsi liberaliter solvere promiserunt. Pro dicta vero procuratione jocundi adventus solvent duplum, videlicet viginti libras parisienses monete flandrensis predicte, nec ultra dictas summams pro dictis procurationis causa visitationis debite seu debende, ampliorem summam seu victualia exigere poterimus ab eisdem, dumtamen de dictis summis liberaliter satisfaciant ex integro sine lite. Alias integram procurationem exigere poterimus, nos et successores nostri, prout de jure communi nobis debetur et ad nos dinoscitur pertinere. Prefati vero abbas et conventus monasterii memorati compositionem hujusmodi acceptantes et gratam habentes obligaverunt se et bona sue efficaciter ad solvendas procurationes predictas ut predicitur bona fide. In cujus rei testimonium sigillum nostrum presentibus litteris duximus apponendum.

Datum apud Wasemes domum nostram, in die beati Nichasii, anno Domini millesimo trecentesimo trecesimo sexto.