BRU-AGSB-Z-128

Algemene gegevens

Opmerkingen analytische datum: Op de foto verbergt de plica deel van de datering. Deze moet nog opgezocht worden in het archief.

Type: Bevestiging door de schepenen van Zonnebeke van de verkoop van grond te Zonnebeke door Clais Descot van Lodewyc van Polickhoue

Beschrijving: De schepenen van de heerlijkheid van Zonnebeke laten weten dat Clais Descot, poorter van Ieper, een hofstede en land gekocht heeft van Lodewyc van Polickhoue, eveneens poorter van Ieper (+ situering van de grond binnen de parochie van Zonnebeke).

Tekst

Wij Jan scoo[n]jans [christ]iaen barey Jan keingard denijs va[n] d[er] beke en[de] pasin va[n] d[er] haghe scep[ene]n miinsheere[n] sabds van zinnebeke en[de] ziins couents Doen te weten allen Lieden die desen chartere zullen zien of horen lesen dat Clais Delscot poortre in ypre heift ghecocht en[e] ghecreghen eruelike tesinen bouf en[de] te ziins hoirs jeghen lodewijc van polichoue ooc portre in ypre ene hofstede metgad[er]s twee en[de] dertich ghemete[n] tweelinen lands litel meer of min in parcele[n] hiernaer volghende Eerst de hofstede daer cle[m]ment de blonde nv woent metten belcken boosten en[de] besuden der an metter dreue diere besuden tenden anlicht zuutgaende tote an Cateline Rudsards leen tusschen der strate ou[er] een zijde en[de] pasins vander haghe land ou[er] ander zijde als Jndit vors[eide] parceel achte ghemete[n] en[de] tsestich Roed[en] lands Jtem besuden an de vors[eide] dreue drie ghemete[n] en[de] dertich Roeden lands ligghende tusschen cateline Rudsards leen ou[er] een zijde en[de] pasins vander haghe leen ou[er] ander zijde Jtem boste[n] passchendaels houe vijflinen en[de] viere ende tach- tentich Roed[en] lands streckende zuut en[de] noort besuden toter yperstrate tuschen den passchendaele houe en[de] passchen daele belc ou[er] ee[n] zijde en[de] pasins vander haghe land ou[er] ander zijde Jtem benorden Jan tsoenins houe land en[de] merschs vijf linen en[de] viere en[de] neghe[n]tich Roed[en] lands tusschen Jan tsoenins lande ou[er] een zijde en[de] pasins vander haghe lande ou[er] ander zijde Jtem benorden houe daer cle[m]ment de blonde wont ghehete[n] den cleyackere drie ghemete^n] lands tusschen der strate ou[er] een zijde en[de] bele va[n] ingheland leene ou[er] and[er] zijde Jtem inden scilt boste[n] anden cleyackere tstertkin ande beke zesse en[de] tachtentich Roed[en] lande tusschen der beke ou[er] een zijde en[de] svors[eits] copers land gheleghen ond[er] dentreght[er]e ou[er] and[er] zijde en[de] sceed vp tghape[n] vanden dijke an pieters blonden scilt en[de] eenre wulghe Jeghen ou[er] Jtem Jntbackerkin tweeghemete[n] en[de] twintich Roed[en] lands streckende zuut en[de] nort tusschen bele van Jngheland leene ou[er] een zijde en[de] pieter sblonden lande ou[er] ander zijde Jte[m] beweste[n] den houe daer cle[m]ment de blonde nv wont beweste[n] vp de strate drie ghemete[n] lands ligghende benorden an mentins blonde[n] tweelinen die vanderstrate streck[n] tote splasschers pitte[n] ou[er] een zijde en[de] die van sinte clare[n] lande en[de] der beke ou[er] ander zijde Jtem bet suut vierghemeten een half en[de] tien Roed[en] lands tusschen cle[m]ments slbonden tweelinen voors[eit] ou[er] een zijde en[de] den clenen hedekinne toebehorende den vors[eiden] cle[m]ment den blonden ou[er] ander zijde Jtem sunaerts belc tweeghemete[n] en[de] zesse en[de] twintich Roed[en] lands streckende vanden vors[eiden] clenen hedekinne west tote die van sinte claren lande tusschen Cle[m]ments sblonden lande ou[er] een zijde en[de] svors[eits] copers lant gheheten dendisstel- belc ou[er] ander zijde Jtem den disstelbelc tweeghemete[n] een line en[de] veertich Roed[en] tussche[n] die van sinte clare[n] lande ou[er] een zijde en[de] svors[eits] copers lande gheheten sunaerts belc ou[er] ander zijde allitel meer of min metgaders alle den huusen scuere[n] stallen en[de] bomen di[er]e vp ziin en[de] der toebehoren Rijpe en[de] groene worteluast erduast en[de] nagheluast buten der erde en[de] der binnen vtegheleit viere en[de] twintich de beste bome[n] die vpde vors[eide] hfostede stae[n] gheleghen en[de] ghestae[n] binnen der prochie van zinnebeke en[de] onder tvors[eide] heersceip vanden welken cope vors[eit] dat hem de vors[eide] vercoper ghehouden heift ou[er] te vulle[n] ghepayt en[de] het vulghe[...?]en en[de] heuet vp ghedraghen quite ghescolden halm en[de] ghifte ghewarpe[n] den vors[eiden] copre wel en[de] wettelike nar der co[stu]me en[de] der vsaige vander vors[eider] vierscare en[de] de vors[eide] vercoper heiues den vors[eiden] coper ghewed ghelost gherecht ywarsc[...?] sonder kalae[n]ge Jeghen allen lieden quite land o[m]me quite ghelt gehouden she[er]en landscult Jaerleix vte ghaende en[de] hoort alsulke R[...?]e alset vte gheghae[n] heift tote[n] daghe van heiden Jn kennessen der waerheid so hebben wij scep[ene]n bouen ghenomd desen chartre gheseghelt met onsen zeghele vuthanghende dit was ghedaen Jnt Jaer onshe[er]en als men screef Duzentich vierhondert en[de] e[en?]en[de] veertich vp den

Zonnebeke

De heruachighe brief va[n] Clays delscot