Niet ingelogd - Inloggen
Bekijk geschiedenis

BRU-AGSB-Z-147

Algemene gegevens

Analytische datum: 01-04-1475

Type: Kwitantie door de secretaris van de hertog van Bourgondiƫ betreffende de amortisatie van de goederen van de abdij van Zonnebeke

Beschrijving: Anthoinne Spillart, secretaris van de hertog en belast met de inning van de inkomsten van de amortisatie van de niet-geamortiseerde goederen die kerkelijke instellingen in Vlaanderen gedurende ongeveer de laatste 60 jaar in hun bezit gekregen hadden, zegt van de abdij van Zonnebeke 25 pond parisis ontvangen te hebben (+ met vermelding van de goederen die geamortiseerd worden). De abdij moet deze brief binnen de twee maanden in de Rekenkamer te Mechelen laten registreren, om voortaan ongehinderd de geamortiseerde goederen in haar bezit te hebben.

Tekst

test
[voorkant]

Je Anthoinne spillart Secretaire de monseigneur le duc de Bourgoingne et commis a la Recepte des deniers venant des nouueaulx acquestz non admortiz faiz de puis Soixante ans circa par les prelaz et gens deglise en flandres Confesse auoir Receu de Reuerend pere en dieu Religieuses et deuotes personnes les abbe prieur et couuent de leglise et monastere de zunnebeke la somme de vintcincq liures parisis en pris de vint gros monnaie de flandres la liure A la quelle somme Ilz ont puis nagaires este tauxez et arbitrez par les commissaires a ce ordonnez de par mondict seigneur ou quartier dypre pour les acquestz faiz ou nom de ladicte abbaye de puis lesdicts soixante ans circa sans en auoir lettres dadmortissement de mondict seigneur Et desquelz acquestz la declaracion sensuit. Premierement vint solz parisis de Rente heritable par an assignant sur vng bonnier de terre gisant soubz la seignourie de hakets en la paroiche de passchendale au Rachat du denier dixsept. Item en la paroiche de langhemarc vintequatre solz parisis de Rente heritable par an Assignant sur deux mesures de terre gisant en deux pieces soubz la seignourie de coucy Assauoir quatre lines du coste doost de la terre maykins vande walle aboutissans du coste de zuut a la Rue appellee la Roesselaerstrate et les aultres deux lines en pre gisant assez loing dillec du coste doost empres leritage de ladite maykin vande walle du coste de zuut et a leritage de Salin blonde du coste de noord chargie chascune desdicts mesures de deux deniers parisis par an. Item vng fief nomme stenaerts leen contenant enuiron deux bonniers gisant en la paroche de zunnebeke soubz la Jurisdiction de leglise vault en cense par an trois liures parisis. Item vne maison situee en la ville dyppre Inde bollijncstrate Au coste de zuut Nommee tscaepshooft vault en louage par an les Rentes heritables deduittes Trois liures quatre solz parisis Item vne petite maisoncelle aduenue a ladicte abbaye par vng des Religieux Illec situee en ladicte Rue entre la crootse et la porte couuerte dardoise vault en louage toutes Rentes deduittes quarante quatre solz parisis par an. Et vne porte couuerte dardoises situee en ladite Rue laquelle est vague chargee de vintetdeux solz parisis de Rente heritable par an et pourroit Icelle porte valoir en louage par extimacion au dessus des Rentes enuiron vint solz parisis par an. Sur toutes lesquelles Rentes et Reuenues appartenants a la dicte abbaye Icelle abbaye est tenue annuellement de faire dire et celebrer pluseurs anniuersaires pour le salut des ames desdicts donateurs et de leurs bienfaicteurs De la quelle somme de vintetcincq liures parisis monnaie et pour la cause dicte dont je suis content Je prometz lesdicts abbe et prieux de ladicte abbaye faire tenir quitte paisible et deschargie enuers mondict seigneur comme Il appartiendra pourueu touteuoies quilz seront tenuz de endedens deux mois prouchamement venant faire enRegistrer ceste ma lettre en la chambre des comptes de mondict seigneur a malines qui leur vauldra et sera alloue pour admortissement a la seurte de ladicte eglise en ensuiuant lordonnanche sur ce faicte par messeigneurs les tresoriers commis sur le fait de d... generaulx sur le fait des aydes de mondict seigneur le duc Tesmoing mes seel et seing manuel cy mis le premier Jour dauril Lan mil quatrecens Soixante quinze Appres pasques

Spillart

test
[achterkant]

A Sonnebeke Admortisatio feudi georgij van eeke dictj steennaers leen in Sonnebeke et alia in Paschendaele et Langemarck anno 1475 als oock van onse Refugien bjnnen Ipren