BRU-AGSB-Z-78

Algemene gegevens

Opmerkingen analytische datum: Bijkomende datering in de bron: "le tierch jour de jung lan de grace mil CCC quarante et deuz" (03/06/1342).

Type: Bevestiging door Watier van Sciervelde en zijn leenmannen betreffende de verkoop van het leen 'Bourgogne' te Zonnebeke aan de abdij van Zonnebeke door Jehans de Bourgoigne

Beschrijving: Ridder Watier de Sciervelde laat weten dat voor hem en voor zijn leenmannen verschenen zijn, Jehans de Bourgoigne en Ingherrans de Beurghoigne, langs de ene zijde, en de abt van Zonnebeke en zijn convent langs de andere zijde. In dit gezelschap werd een oorkonde van Lodewijk, graaf van Vlaanderen, Nevers en Rethel gebracht, met volgende inhoud: Lodewijk amortiseerde een heerlijkheid, 'Bourgogne' geheten, gelegen in de parochie van Zonnebeke. Dit werd door Jehans de Bourghoigne gehouden van Watiers van Sciervelde, en deze hield het op zijn beurt van Ingherram Hauwiel. De amortisatie gebeurde op vraag van de genoemde Watiers en Ingherram, en vond plaats op 3 juni 1342. Jehans de Bourgoigne heeft nu deze heerlijkheid verkocht aan de abdij van Zonnebeke voor de som van 1000 pond parisis, Vlaamse munt. Deze verkoop vond plaats met de instemming van Ingherram en van oudste zoon en erfgenaam. De nodige ontervingen en beleningen vonden plaats. Watiers de Sciervelde en zijn echtgenote, Sarre, en zijn oudste dochter, Agnes, verkochten aan de abdij van Zonnebeke het leenmanschap van het leen 'Bourgogne'. Op de rugzijde van de oorkonde werd dit alles bevestigd door Lodewijk van Nevers.

Opmerking: Aan het document

Tekst

A tous chiaus qui ces presentes lettres verront ou orront. Watiers de Sciervelde chevaliers et Jehans Hauweraus baillieus a noble homme monsigneur Ingherram Hauwiel chevalier saluut sachent tout ke par devant mi Watier de Sciervelde chevalier dessus nomme et par devant mes hommes de fies a savoir est Bauduyn le Bets, Jehan de Breuke, Stephene le Wate, Jehan le Keiser de le Steghele, Gillion le Wrede et Jehan de le Mandere fil Symon se comparurent personelment. Jehans de Bourgoigne Ingherrans de Beurghoigne ses fieus dune part et sages et religieus li abbes de le eglise de Zunnebeke pour luy pour sen couvent et pour luer eglise dautre part et ad[...?] furent apportees pardevant mi comme signeur en le presence de mes hommes de fies et les parties devant nommees unes lettres de treshaut et trespoissant prince monsigneur le conte de Flandres mon treschere signeur scellees de sen signet saines et encores convenans le [...?] qui sen sieut. Nous Loys conte de Flandres de Neviers et de Rahiers faisons savoir a tous ke comme monsigneur Ghautier de Sciervelde notre ame chevalier voelle amortier le fief que Jehans de Bourghoigne tient de luy li quels fies est appelles le fief de Bourgoigne et gijst en le proche de Zinnebeke et tient le dit fief Monsigneur Gautier de Sciervelde dessusdis de Monsigneur Ingheram Hauwiel nous a le pryere dou dit monsigneur Gautier et de monsigneur Ingheram avons otroye et ottroions consenti et consentons ke le dit amortissement se face, si mandons as hommes appartenans au dit fief ke en ce faisant obeissent loy et costume de pays [...?] donne a Lille seur notre signe le tierch jour de jung lan de grace mil CCC quarante et deuz. ces lettres veuwes et lieutes li dessus nommeiz Jehans de Bourgoigne comme de se bonne volente ke il avoit vendu bien et loyalment heretaulement a tous jours a le abbey et couvent de Zinnebeke dessus dis pour eaus et pour luer eglise tout le fief dessus dit entierement[?] que on appielle de Bourghoigne quil tenoit de mi gisant en le devant dite proche de Zinnebeke a tout le droit que il avoit et avoir pooir ens[?] ou dit fief et en toutes ses appartenanches et dependances en quelconques cose et lieu ke li des fies soit et gise en terres ahanniles en rentes queles que elles soient en hommages de fies en hostes en tenans en justice en signorie et en toutes autres coses values et revenues et par loyael et iuste pris de deniers cest a savoir mil libres de parisis de le monoye de Flandres de le quele comme il dist quil estoit tenus a le abbe et couvent dessusdis pour quoi il se tenoit et tient de tout le dit marquiet[?] parmi tout bien asels[?] et apayes et enquitta bonnement les devant nommez le abbe le couvent luer eglise et tous chiaus qui avoient cause de sans tous quittes et tous delivres[?] et ensi li abbes pour luy pour sen couvent et pour luer eglise se tinrent bien et plainement asels[?] et apayes de toutes les mil libres dessus contenues et bonnement en quitta le dit Jehan de Bourgoigne ses hoirs et tout sen remanant tous delivres et tous quites et monstra[...?] et prouva soufissamment le dis Jehan de Bourgoigne ke ce vendesme il avoit fait et faisoit de le volente et octroi deu dit Ingherram sen aisne fils son droit heir a dont apparent et pour pieur marquiet eska ver quil luy con[...?] avoir fait se il neust fait [...?] et tant en fist quil soffy a le loy et sour toutes ces coses cognutes et acordees des devant dites parties par enseignement des hommes de fies dessus dis li dessus nomme Jehan de Bourgoigne et Ingherrans ses fils comme ses drois hoirs de tant ke aluy appartenoit et pooit appartenir tout le devant dit fief a marq[...?] autrement de [...?]raporterent et werpirent en me main comme en main de seigneur et sen deshereterent bien et a loy fisont toute la sollempnite qui a loy y appartinrent [...?] mains a faire[...?] selonc le coustume ou usage dou pays par saizir et ahere ter le abbe dessus dit pour luy pour sen couvent et pour luer eglise devant nommee et franchierent par le foy de luer corps et iurerent seur sains[?] sollempnelment ke jamais a nul jour contre cest marquiet [...?] deshiretement [...?] toutes convenenches il ne iront ne par..ront par eaux ne par autrui escampe matere ne ocquoison par quoi li abbes ses couvens ne luer eglise en soient a damage de [...?] ne de[...?] et tant enfisent et disent [...?] ke a luy appartint ke mi devant dit homme de fies disent par loy et par jugement au coniurement de mi ke li dessus nomme Jehans de Bourgoigne et Ingherrans ses fuils estoient de tout le fief et marq. dessus contenu deshirete bien et a loy et ke tant en avoient fait quil ni avoient mais droit et ke jeu le en me main comme en main de seigneur a eux et au nom les dis abbe et couvent et luer dite eglise et tantost apres parmi men service et mes droit[...?]que jou en euts dont je me tieng tout plainement apayes tout le dit fief et marquitz entierement[?] par mi les letres monsigneur le conte de Flandres dessus transcriptes et le assentement que jou avoie de mon cher signeur monsier Engherram devant nomme je transportai de me main en le main le abbe dessus dis et len ahiretai bien et a loy pour luy pour sen couvent et luer dite eglise comme de luer [...?] et propre hiretage et si disent mi devant dit homme de fies et coniurent de mi par loy et par iugement ke parmi les dites lettres monsigneur le conte de Flandres ke il avoient veuls et le assentement que je avoie de mon devant dit signeur et parmi leur droitiers[?] que il en eurent ke li abbes dessus nommes de tout le fief et marquet desuere nomme estoit ahiretez et saizis bien et a loy pour luy pour sen couvent et pour luer eglise comme de luer [...?]propre hiretage en tesmoignage de toutes ces coses jou ai [...?]pendu men seel a ces presentes lettres et supplie humelement a mon treschere signeur monsigneur le conte de Flandres dessus dit ke toutes les coses devisees[?] en ces presentes lettres voelle ratifyer, confirmer approuver frankir et amortir souffissamment et de ce donner ses lettres scellees de sen seel pendant as diz abbe et couvent et a mes homes de fies dessusdis je requiet ke il yvoellent pendre luer seaus avoec le mien en tesmoignage de verite et nous Sandiryns[?] le Bets, Jehans de Brouke, Stephenes le witte, Jehan le Keiser de le Steghele, Gillis le Wrede et Jehans de le Mandre fils Symon tout homme de fies a noble homme monsigneur Watier Hawiaus deseure diz voel ke sachent ke par devant mi comme bailliu a noble homme monsigneur Ingherram Hauwiel chevalier souffissamment establi dou dit monsigneur Ingherram par devant ses hommes de fies chi apres nommes pour bien faire et a loy les coses qui sen sieuvent et en le presence de ses hommes de fies cest a savoir Jehan Hauwiel fil Robert, Bauduyn Terninc, Pieters Hauwiel, Chrispijen de Beisslare et Thomas Leclerc se comparurent personelment nobles persones mesme Watiers de Sciervelde chevalier me dame Sarre se femme et demisele Agnes luer ainsnee fille dune part et sages et religieus le abbes de le eglise de Zunnebeke pour luy pour sen couvent et pour luer dite eglise dautre part et furent apportees et l[...?]es en presence de mi des hommes de fies des devant dites partyes les lettres monsigneur le conte de Flandres deseur dits les quels [...?]oyes li dessus nomme monsieur Watiers de Sciervelde et me dame Sarre se femme [...?]de luer bonnez volentes avoir vendu hiritaulement a tous jours bien et loyalment a le abbe et couvent dessus diz le hommage deu fief de Bourgoigne gisant en le devant dite proche et tout le droit quil y avoient et avoir porient pour iuste pris de deniers quil en avoient eus et dont il se tinrent bien apaye et pour luer obijt avoir a perpetuiteit en le dite eglise et monstre rent et prouverent souffissamment le dit monsigneur Watiers et me dame se femme ke ce vendesme il avoient fait et fasaient del octroi et de le volente demisiele Agnes luer aisnee fille et luer droit hoir a [...?] si assenti octroia et acorda par [...?] qui a loy luy fu donnes a se requeste si fu ses avoeis Wautiers de le Beke et tant en fisent ke il soufi a loy et pour le dit hommage eschchieret esd[...?]kier de luer fief que il tenoient de monsigneur Ingherram dessus nomme pour le enseignement de ses hommes de fies deseure diz le dit monsieur Wautiers de Sciervelde me dame Sarre se femme et demisiele Agnies luer fille comme drois heirs par sen advoeit donne a loy de tant ke a luy appartenoit et pooit appartenir tout le devant dit fief entirement rapporterent et werpirent en me main comme en main de seigneur et sen deshiriterent bien et a loy et fisent toutes les sollempnitez qui a loy y appartinrent a faire selonc lusage ou costume dou pays pour saizir et ahireter dou dit hommage le abbe dessus dit pour luy pour sen couvent et pour luer eglize devant nommee et pour le sourplus dou fief rendre et baillier as dis monsigneur Watier et me dame Sarrein se femme et [...?] reahireteir comme de luer [...?] hiretage a tenir en fief et en hommage de monsieur Ingherram devant nomme a tels [...?] et telles que li fies devant dis [...?] et a teles droitures et fianchierent par le foy de luer corps et iurerent sour advis sollempnelment ke jamais a nul jour contre ces rap port et contres ces devises il ne iront ne parcurront par eaux ne par autrui, es[...?] ne ockoison par quoi li abbes ses couvens luer eglize dessus nomme en soient de riens a domage ne [...?] empe chement ne destourbier et tant en fisent et disent ensi quil appartint a loy ke li dit homme de fies monsigneur Ingherram disent par iugement [...?]ment de mi ke je avoie bien tout le dit fief en me main comme en main de seigneur pour les coses dessus d[...?][...?] le hommage dessus nomme je esch[...?] et es[...?] deu dit fief souffissamment ensi ke a loy appartient [par/pour?] le enseignement des hommes de fies dessus diz et disent li homme par jugement ke ie le avoie bien fait et a loy ensi quil appartient et tient mains et apres ce tout le sourplus deu fief je rendi sus au dit monseigneur Watier [...?]len reahiretai bien et a loy a tenir en fief et en hommage de monsieur Ingherram devant nomme si comme par dessus dit est et le dit hommage par le iugement des hommes de fies dessus diz je baillai et delivrai a le abbe [...?] dit pour luy pour sen couvent et luer dite eglize de Zinnebeke a tenir et possesser perpetuelment par le virtu des [...?] monsigneur le conte de Flandres dessus dite [...?] li dit homme de fies par loy et par iugement au [...?]de mi ke toutes ces coses estoient bien et souffissamment faites ensi ke a loy appartenoit selonc le costume ou usage deu pays, en tesmoignage de toutes ces coses jeu au mis et pendu men scel a ces presentes letres et requiet as hommes de fies de mon dit seigneur que il yvoeillient pendre luer seauls avoec le mien en tesmoignage de verite, et nous Jehans Hauwiaus fiuls Robert, Bauduyns? Terninc, Pierres Hauw[...?]Chrispijns de Beisslare et Thomas li clers tout homme de fies a noble homme monsigneur Ingherram Hauweel chevalier [...?]ke tout [...?]ke a toutes ces coses f[...?]bien et a loy[...?] fumes present appielle dou dit baillieu et les j[...?]au c[...?]ment de luy si que par dessus est dit et avons a se requeste mis et pendus nos seauls a ces presentes lettres avoec le sien en plus[...?] seurte et tesmoignage des dites coses. et jeu Ingherrans Hauwians chevaliers deseure dis fai savoir a tous ke pour avoir le [...?]de mi de Jehane iadis me femme et Ingherram men fil perpetuelment en le dit eglize toutes ces coses deseure dites je [...?] [...?]conferme et approeve et que le dit Jehan Hauwiel [...?]souffissamment men baillieu par devant mes hommes de fies dessus nommes et luy donnai parmi les letres monsigneur de Flandres dessus dit [...?]pooir de faire les coses devant nommees les queles coses ie [...?]a tenir et garder as religieus deseure diz sans aler de riens al encontre ce supplie humelement a treshaut et trespuissant prinche monsigneur le conte de Flandres ke toutes ces coses dessus convenues voelle ratifyer confermer approuver frankir et amortir si que pardessus est dit et pour plusgrant deurte et confirmation des dites coses jeu ai mis et pendu mon scel a ces presentes lettres avoec les sceuls de monsigneur Watier de Sciervelde de ses hommes de fies de men baillieu et de mes hommes de fies devant nommes faites lan mois et le jour dessus dis

Nous Loys conte de Flandre, de Nevers et de Rethel faisons savoir a tous que a la priere et requeste de noz amez et [...?]ls Gautier Deschierevelde et Engerraim Hauwel chevalier, a la priere et requeste de re ligieuze personnen et discrete? labbe et couvent de Sonnebeke et par la devotion que nous avons as dis religieus de acque[...?]le p[...?]de leur bonne [...?]. Toutez les choses contenuez as [...?]par my lez quellez [...?]usances sont ees, leons, greons, approuvons, ratifions et confermons et leur quitons, franchissons et amortissons h[...?]nublement a tous iourz pour nous et pour noz hoirs et sus sessans tout le droit et pooir que nous noz hoirs et noz sussessans avons ou [...?]avoir ou fief dit de Bourgonge, don’t les dites lettres font mention et declaration et appartenances et dependances ou dit fief tout ainsy que li dis fiefs se sontient et comprent en toutes values et revenus. par le tesmoing de cez lettrez scelle de me singnet en labsence de me scel lez quellez chosez dessus ditez nous promettons loyaument a sceller de notre grand scel quant nous laurons et requis en savons. donne a Lille le [...?] jour de juing lan de grace M CCC et quarante et deux