BRU-AGSB-Z-92

Algemene gegevens

Opmerkingen analytische datum: In 1353 viel Pasen op 24 maart, dus Quasimodo-zondag viel op 31 maart, wat klopt met de rest van de datering in de oorkonde.

Type: Bevestiging door de baljuw en leenmannen van heer Franchois dele Donue, en leenmannen van de gravin van Bar, vrouwe van Cassel en het kasteel van Waasten, van de verkoop van een leen te Waasten door jonkvrouw Lisebette Verdebouds

Beschrijving: De baljuw van heer Franchois dele Donue fil Philippe dele Donue, leenmannen van de genoemde Franchois en leenmannen van de gravin van Bar en vrouwe van Cassel en het kasteel van Waasten, laten weten dat jonkvrouw Lisebette Verdebouds, als erfgename, samen met Gillon Winnoc, haar echtgenoot en voogd, aan Pieres Hauweel een leen verkocht heeft. Het leen is 14 gemeten groot, en gelegen in de parochie van Waasten (+ situering van de grond). Lisebette en haar echtgenoot hielden die grond in leen van Franchois. De verkopers onterfden zich van de grond, en de koper werd erin geërfd. De verkoopsom bedroeg 200 gouden denieren in schilden, elk ter waarde van 22 schellingen parisis.

Tekst

Nous Jehans boeteman adont Bailliu soffissaument establis de Noble ho[m]me Franchois dele donue fil philippe dele donue Jtem Jakemes deu Mont, Pieres li Feures Et Pieres hacke homme de fief le dijt Franchois Jtem Renaud poiteuin Et Jehans tourbe ho[m]me de fief a no tresredoubtee dame Ma dame le Contesse de baer dame de Casseel dou chastel de warneston a preste au dijt bailliu dou souuerain bailliu de warneston pour enteriner a loy les choses qui sensiewent faisons sauoir a tous cheus qui ches presentes lettres verront et orront que en plaine court faite bien deuement par loy ou dijt chastel se comparurent en propre persone demisele lisebette verdebouds ensamble Gillon Winnoc son mari et aduoe aloy dune part Et Pieres hauweel dautre part Recognurent et confesserent le dijt conioint quil auoient vendu bien et loyaument par Juste prijs au dijt pieron vn fief contenant quatorze mesures de terre ou enuiron gisant en le paroche de warneston deleis le Jubet de warneston et estendant iusques a le Rue sico[m]me on va de warneston a IJppre dune part Et le terre de le claert dautre le quel fief le dite demisele comme hiritiere et ses dijs maris et aduoe a loy tenoient en foy et ho[m]mage dou dijt franchois Et declarerent li dijt vendeur et achateres par leur serement sollemp- neus a che fait que le dijt fief estoit vendu deus chens deniers dor al Escuut Cascun de le value de vint et deus sols paris[is] les dijts venduers frankement emportant Et le dijt achateur paijant tout le droit dou seigneur les cous dou bailliu et des ho[m]mes et tous autres que y pueent ou doiuent appertenir Et Carite entre les dijs sols et q[ua]rante sols par[isis] au dijt de Casin le waghenare et Jehan wankard quon dist smedekin Et Recognurent li dit conionct que de toute le so[m]me des deus chens deniers dor al Escuut s[u]sdijs Jl se tenoient a bien paijet Et en clamerent quite tous ceaux a cuj quitance en app[er]tenoit Et sour ce il Requisent a mi bailliu s[u]sdijt que Jou co[n]iurasse les ho[m]mes quon en deuoit faire auant pour enteriner a loy lachat et c[on]uenenches sus dites Et a leur Requeste Jou baillius co[n]iurat[?] les ho[m]mes dou droit Et nous ho[m]me Jugames que li dijs baillius demandast a le dite de misele co[m]me hiritiere et a son diit mari et aduoe a loy par quel cause elle se voloit deshiriter dou dijt fief Et ensi le demanda li dijs baillius et tantost le dite demisele ensamble son dit mari et aduoe a loy Respondirent que le dijt vendesme il auoient fait par droite necessite pour mieux faire et pijs eskienir Et se fait ne le eussent quil leur eust con- uenu pijs faire dont il eurent tele [cele?] ayieuwe et cognissance co[m]me a loy et ale costume appertient Et sour ce nous ho[m]me par le co[n]iurement dou dijt bailliu selont les cognissanches fait[es] par dessus Jugames que la dite demisele co[m]me yritiere ensamble son diit mari et aduoe a loy portassent sus es mains dou diit bailliu co[m]me es mains dou seign[eu]r tout le deuant dijt fief entirem[en]t a toutes les franchises et appertenanches que y affierent et luj en werpissent et sen deshiritassent bien et par loy pour ent adhiriter bien et a loy le dijt pieron hauweel selont les co[n]uenenches sus dites Et quil Jurassent as sains corporelment que au dit fief Jl iamais en ceste court ne en autre ne demanderoient ne feroient demandeir aucun droit Jusques a le value de quatre deniers et en la fiin de nieut Et tout ainsi que Jugiet laniemes [?] le fisent li diit co[n]ionct et en paracomplirent ne Jugement dou tout Par quoy Jou baillius sus dijs parmi le droit dou seigneur les cous de nu et des ho[m]mes que li dijs pieres hauweel paija tout sec par le iugement des ho[m]mes en adhiritai b[ie]n et a loy le dijt pieron hauweel pour tenir li et ses hoirs p[er]petuelment a tous Jours en foy et en ho[m]mage dou diit franchois en la maniere co[m]me la dite demisele et si deuanchier lauoient tenu adioustees a ce faire toutes les loys et sollempnites q[ue] y deuerent [deuoient?] estre fait Et sour ce par le co[n]iurement dou diit bailliu nous ho[m]me Jugames le diit pieron hauweel estre ou dijt fief si bien et a loy adhirite parquoy Jl et si hoir le pooent et deuoient perpetuelment a tous Jours mais tenir en fief et en ho[m]mage dou dit franchois et de ses hoirs a le Costume de se court sico[m]me le dite demisele et si de[u]anchier lavoient tenu Et que a che estoient faites et parfaites toutes les loys et sollempnites q[ue] y app[er]tenoient estre fait et nient mains Sauue tous drois Et pour che que toutes les choses dessus dites et chescune dicelles furent faites et parfaites bien et par loy par le co[n]iurement de mi baill[iu] sus dit Et le Jugement de nous ho[m]mes dessus no[m]mes Si auons nous Bailliu et ho[m]me dessus no[m]me ches p[rese]ntes lettres scellees de nos propres seaux pendans Qui furent faites Et donnees en lan de grace Mil trois chens chinquante et trois le diemenche de quasimodo darrain Jour dou Mois de March

F. Waesten aenghaende t'Leene [...?]

Emtio foeudi per Petrum Hauweele nomine Conuentus zunnebekani anno 1353