BRU-AGSB-Z-63

Algemene gegevens

Opmerkingen analytische datum: Callewaert(1), 138, nr. 126: 'Octobre 1290'.

Type: Bevestiging door de baljuw van Ieper van een overdracht van alle rechten op een tiende te Zonnebeke door Katerine, weduwe van Jehan le Clerc, aan de abdij van Zonnebeke

Beschrijving: Eustasses Hauwiaus, baljuw van Ieper, laat weten dat Katerine, weduwe van Jehan le Clerc en zuster van Henri de Paskendale, afstand doet van al haar rechten op een tiende in de parochie van Zonnebeke; de tiende werd door de abt en het abdij van Zonnebeke gekocht van Jehan le Witte en Henri de Wavelaere.

Opmerking: Callewaert(1), 138, nr. 126, voetnoot 1 vermeldt: “Voir nn. 125, 127.” // Callewaert(1), 138, nr. 126 vermeldt een kopie in Cartularium S, kap. 19. // Callewaert(1), 138, nr. 126 vermeldt een beschrijving en samenvatting in de Inventaire Diplomatique, p. 104.

Tekst

[Overgenomen uit Callewaert(1), p. 138, nr. 126]

Jou Eustasses Hauwiaus, baillus d’Ypre, faic savoir a tous cheaus ki ceste presente chartre verront et orront que Katerine femme ki fu a Jehan le Clerc, et sereur a Henri de Paskendale, est venue par devant moi et par devant les hommes de mon signeur le conte de Flandres et a de se boine volontei bien et aloy werpi et clame quite al abbei et couvent de Zinnebeke toute le droiture ke ele avoit en une disme ki gist en le parrochie de zinnebeke, con tenoit de le devant dite Katerine, lequele disme li abbes et li couvens devant dis ont acatee a Jehan le Witte et a Henri le Wavelaere, de lequele droiture de le disme devant nommee le dite Katerine sen tient de l’avant dit abbeit et du douvent dou tout plainement bien apaier et a encouvent ke james a nul jour pour besoing ke ele ait nen calengera ne fera calengier au devant dit abbeit et au couvent le droiture qu’ele avoit en le disme devant dite. A ceste connissance et a cest werp furent homme le conte de Flandres, cest a savoir Ghiselin de le Wastine, Jehans li Pud, Bertremiens Morin, Kerstiens Bardonc et Jehans Bardonc. Et por choi ke se soit ferme cose et estable et loialment tenue en boine foit, si avons nous Eustasses Hauwiaus, baillus d’Ypre, Ghiselins de le Wastine, Jehans li Pud, Bertremiens Morins, Kerstiens Bardonc et Jehans Bardonc homme le conte de Flandres en reconnissance de toutes ces coses devant dites, a ceste presente chartre mis nos seaux pendans.

Ce fu fait en l’an del Incarnation nostre Signor Jhesu Crist mil deux cens quatrevins et dis, el mois doctobre.