BRU-AGSB-Z-n1516
Algemene gegevens
Opmerkingen analytische datum: Het stuk is niet gedateerd. // Bijkomende dateringen: "tot den Jare lxxxvij" (Type: Overzicht van de artikels die moeten bewezen worden in het proces tussen de abdij van Zonnebeke en renteplichtigen, betreffende het Monniksland te Hooglede
Beschrijving: Overzicht van de artikels in het proces tussen de abdij van Zonnebeke (eisers) en Willem Spise en anderen (verweerders), die moeten bewezen worden. Het geschil betreft de achterstallig rente op 15 gemeten grond te Hooglede, het Monniksland genoemd, toebehorend aan de abdij.
Tekst
[VOORLOPIG]
Kalendrier Jnt corte vanden articlen noodsakelijc gheprouft te zijne bij mijne heeren de Religieusen abt ende conuent van zinnebeke heesschers Jeghen willem spise ende andere verweerers
eerste article Mencioen makende dat van ouden tijden de kerke van zinnebeke toe behoort hebben xv ghemeten Lands ligghende Jnde prochie van hoghelede ij - Jtem dese xv ghemeten Lands zijn ghenaemt van ouden tijden der mueninc v - land sorterende onder de Jurisdictie vander kerke van zinnebeke Jtem de voorseijde xv ghemeten Lands hebben hier voorttijts vuteghegheuen gheweist bij mijne heeren de Religieusen abt ende conuent van zinnebeke Jn erfuelijcken cheins... den welcken vutnemere Jaerlix gheheel ende onghespleten te zekeren xx - daghe den Religieusen betalen moeste Jtem tanderen tijden zo es questie ghezijn voor den bailliu ende scepenen van Zinnebeke nopende den Resoorte ende Justicien van desen Lande tusschen Roelof Damman ende willem Damman heesschers vanden zeluen Lande bij successien Jeghen eenen Jan vander broucke ende zijnder zustere de welke sustineeren den zeluen gront ter Jurisdictie xxj - van zinnebeke niet behoorende Jtem ende naer diuersche proceduren zo es tzelue land verclaerst gheweist behoorende ter Jurisdictie vanden bailliu ende scepenen vander kerke van zinnebeke onder t'Resoort van scepenen mijns gheduchts heeren van zijnder zale tijpre
Dese articlen zal men doen bliken met der senten[tien] onder ouerbeke wesende Ende voort met den bouken vander kerke oft andere bewijsen den vutgheuene vander Lande angaende
Mencioen makende dat zij gheleghen zijn ande zuut west zijde vander iij - kerke van hoghelede streckende zuut ende noort metter west zijde an tlandt vander wedewe vander velde ghenaemt trijse Jtem ande zuutzijde iiij - ghelant Jeghen kaerle mandelinc ende ande oost zijde Jeghens ghilain de bert ende ande noordzijde Jeghens eenen clais van middelhem
Dese articlen zalmen prouuen met iiij oft oorconden
vj - Mencioen makende dat zichtent den eersten vutnemers zo zijn dese Landen bij diuersche successien ghecommen Jnde handen van diuerschen persoenen vij - Jtem ende hendelijc zijn commen Jnde handen vander verweerers de welke elc zijn porcien vander voorseijder Lande ghebruuken deene min dander meer ende hebben de gheheele Rente onghespleten Jaerlix den heesschers betaelt viij - tot den Jare lxxxvij Jtem ende hoe wel de ghuene dese Landen Hier voortijts beseten hebben den Jaerlixschen cheins betaelt hebben also voorseijt es ende dat verwerers als besitters van dien dien ooc behoorden betaelt thebbene nochtanne zij hebben binnen zekeren termijn haerwaerts gheweist in ghebreke Jn zulcker wijs dat men hemleden daerof tachter es vanden Jaere lxxxviij Jncluuz tot noch
Te prouene met iiij of v persoenen
ix - Mencioen makende datter cause van dien de heesschers trocken clachtich ande bailliu ende scepenen vander kerke van zinnebeke onder x - wiens Jurisdictie tselue Lant sorteert ende Licht Jtem ende vercreghen zekere wettelijcke Jndaghinghe vp de voorseijde xv ghemeten Lands xj - ende alle de ghuene diese bescudden wilden Jtem ende procedeerde zo verre mids datters niement en compareerde te bescudde vander voorseijder Lande dat zij bij drie wettelijcken Jndaghinghen vercreghen contumacien Jeghens alle de ghuene die an tselue land Recht vermeten wilden xij - Jtem ende bij virtute van diere wettelijcke contumacie zo waren alle andre versteken ende tselue Land bij maniere van wettelijcke afwijnninghe den heesschers anghewijst omme daerof van nv voort an te ghebruukene xiij - als van hueren properen goede Jtem ende es dat vonnesse leden Jn crachte van ghewijsde dinc midswelcken de verweerers sculdich hadden gheweist ende behoorden huerleder handen daer of ghelicht thebbene ende den heesschers xiiij - tghebruuc van dien te latene Jtem dies nochtanne niet Jeghenstaende de verweereres zijn ghebleuen Jnt ghebruuc vanden voorseijden Lande zonder daerof te willen sceedene dies nochtans ten diuerschen stonden versocht ende xxvij - ghesommeert Jtem ende mids dat zij ter voorseijder afwijnninghe vpghedroupen wesende gheen Recht daer jeghens vertoochden zo behooren zij Jnde zelue afwijnninghe wel te Laten sorteren effect
Te prouuene met der senten[tie] onder ouerbeke wesende
xv - Mencioen makende dat omme daer Jeghens voorsien te zijne bij Justicien de heesschers zijn commen clachtich hier Jnt hof ende hebben vercreghen uwer heerenopene letteren van commissie Jnhoudende den verweereres beuel te doene den heesschers te Restitueerne de baten ende proffijten vander voorseijder Lande zichtent der date vander voorseijder afwijnninghe ende xvj - nv voort an huerlieder hand daer of te lichtene Jtem ende mids dat zij verweerers hemlieden te dien beuelen apposeerden ende dylayeerden zo waren zij ghedachuaert Hier Jnt hof teenen zekeren daghe
Te prouuene met der ext... wesende onder ouerbeke
xvij - Mencioen makende naer dat beede partien hemlieden hadden ghedaen presenteeren zo deden zij heesschers huerlieder Jmpetracie te faite leeden nemende de conclusie bouen verclaerst daer vp zij verweereres namen dach xviij - van Rade Jtem ende dien omme commende deden daer vp andworde bij diuersche Redenen ende middelen ten welken de heesschers prersisterende Jn huerlieder voortstel solucie ende Replijke gheuen also wel bij dat voorseijt es als dat hier naer volcht
Te prouuene met der acte daer of ghewaghende die men sal doen maken
Mencioen makende dat wel wesen mach dat tLandt daer vut xix - dese questie spruut gheleghen es Jnde prochie van hoghelede ende es dat land van ouden tijden gheheeten ende ghenaemt es gheweist der mueneken Land
Ter prouene met iiij op v oorconden
xxxiij
xxxiij - Mencioen makende dat Jn meerder comfortante[?] vander Rechte vander heesschers het sal blijcken dat dit land es tanderen tijden bijder voorsaten vander heesschers als der kerketoebehoorende vuteghegheuen Jn eruelijcken Cheinse
Mencioen makende dat de ghuene die dit Landt ghebruuct xxv - hebben den voorseijden cheins van ouden tijden betaelt hebben tot nv onlancx Jn wiens handen dat de landen gheuallen zijn bij successien oft andersins dies Jn ghebreke hebben ghezijn
Te prouuene ooc als bouen
Jn Rechte
xxij xxiij xxvj xxviij
Dese articlen zijn Jn Rechte ende van gheender nood gheprouft te zijne