BRU-AGSB-Z-67
Algemene gegevens
Analytische datum: 29-07-1295Opmerkingen analytische datum: Callewaert(1), 143, nr. 131: '29 Juillet 1295'.
Type: Bevestiging door de baljuw van Ieper van de schenking van een tiende te Oostnieuwkerke aan de abdij van Zonnebeke door Jehans de le Houte en familie
Beschrijving: Jehans, heer van Sijsele en baljuw van Ieper, verklaart dat Jehans de le Houte, zijn echtgenote Margerete, en hun oudste zoon Jehans, afkomstig van Oostnieuwkerke, een tiende van 16 schellingen gelegen te Oostnieuwkerke, geschonken hebben aan de abdij van Zonnebeke. De abt werd erin geërfd.
Opmerking: Callewaert(1), 143, nr. 131 vermeldt: "Original sur parchemin avec huit petits sceaux en cire rouge, pendant à double queues de parchemin, aux Archives de Séminaire, fonds Zonnebeke, n. 67. Au dos: Littera de decima de Nova Ecclesia de XVI sol. Copie, corrigée, au Cartulaire S, chap. 97: Confirmatio decimae Joannis de Houte."
Tekst
[Overgenomen uit Callewaert(1), pp. 143-144, nr. 131]
[p. 143] Jou Jehans Sires de Ziessiele, chevaliers, baillius dYpre faic savoir a tous cheaus ki ches presentes lettres verront et oront, ke Jehans de le Houte et Margerete se femme et Jehans de la Houte leur ainsnes fius, de Noevveglise, encoste Rolers, sont venu par devant mi en propre personne et de leur boine volontei et par devant les hommes mon Seingneur le Conte de Flandres et ont porte sus en me main comme seingneur et clamoit quite bien et a loy une disme de sese saus d’Artois de rente par an, gisant en le paroche de Noeveeglize, dencoste Rolers, pour ahyriter l’abeit de Zinnebieke. De le quele disme avant dite pour le raison de chou ke jou Jehans de Ziessielle chevaliers avant nommeis ni avoie pour ne loisir dentendre alahyritement faire si ai jou mis en mon lieu Lambiert fil Pieron, ki baillius est el mestier d’Ypre, pour faire lahyritement a tous jours al abeit de Zinnebieke devant dit, li quels Lambierts par mon congiet et par mon commandement de le ditte disme a ahyriteit bien et a loy seigneur Nicolen de Dickemue, Canoine de Zinnebieke a oes labbe et le couvent de Sinnebieke sans jamais calengne faire. Et pour chou ke jou Jehans de Ziessiele, chevalliers baillius d’Ypre avant nommeis, voel ke che soit chertaine chose et estable et loiaument tenue en bonne foy, ai jou a ches presentes lettres mis mon saiiel pendant. En tiesmoingnage des hommes mon seingneur le Conte de Flandres la present furent a ceste ahyritement faire, cest a savoir messires Willaumes de Ghistielles chevaliers, Lambiers de Rosebieke, Henris Griffon, Jehans
[p. 144] del Helackere, Lambiers fius Pieron, Jehans de le Mote de Langemarch, Pieres Broederlam et Josse Bloeme, li quel homme en connissanche et en tesmoingnage des choses devant dites ont mis leur saiiel a ceste presente lettre aveec le mien. Chou fut fait en lan del Incarnation nostre Seingneur Jhesu Christ mil deux cens quatre vins et quinse, el mois de Julie, le Venredi devant le jour saint Piere entrant Aoust.