BRU-AGSB-Z-201*
Algemene gegevens
Type: Bevelschrift van de Raad van Vlaanderen aan de eerste deurwaarder betreffende een proces tussen de abdij van Zonnebeke en Danneel DinghelscheBeschrijving: De raadslieden van de Raad van Vlaanderen geven de eerste deurwaarder de opdracht om, op verzoek van de abt van Zonnebeke (eiser), Danneel Dinghelsche (verweerder) te dagvaarden, betreffende zekere proceskosten.
Opmerking: BRU-AGSB-Z-201* werd bevestigd aan BRU-AGSB-Z-201.
Tekst
[VOORLOPIG]
De Raedslieden van sconincx van Castillen van Leon van Grenade van Arragon etcetera Eertshertoghe van Oostrijcke etcetera Graue van Vlaendren etcetera gheordonnert jn Vlaendren den eersten duerwaerdere vander camere vanden Rade ons voorseits heeren jn Vlaendren hierup versocht Saluut Wij ontbieden v ende beuelen van ons voorseits heeren weghen daer toe committerende by desen onsen lettren eyst [...?]ot dat ghy ten versoucke vanden prelaet van Zinnebeke heesschere dachuaert Danneel Dinghelsche verweerere te comparerene hier jnt hof teenen competenten daghe omme bijden voorseiden heesschere oft zijnen procureur ouer te zien gheuen thone waerts zekere costen ende teeringhen metten lettren acten ende andere bewysen die eenen[?] ter verifficacie van dien die[...?] hij mainteneert ghehadt ende ghesustineert hebbende jnt voorseit proces jeghens den voornomden verwerere danof hij te vallen es ende midts dien ghecondempn[eert] inde costen. Ende Diminutien daer jeghens te gheuene ofte dies te verdaghene ende voorts te procederene alsoot behooren zal [...?] jnthimatie hem te kennen gheuende dat weder hij comt ter voorseider dachuaert ofte en doet wij zullen voort procederen niet jeghenstaende zijne absencie ende contumacie alzo Redene bewijsen zal Ons vuerschreuenden wies ghy hier toeghedaen zult hebben want wij v dies gheuen vulle macht ende speciael beuel Ontbieden ende beuelen van ons voorseiden heeren weghen allen zijnen officiers ende ondersaten versouckende allen andren wient angaen mach dat zij te v dit doende neerstelic verstaen ende obedieren Ghegheuen Jaer Duust vijfhondert ende neghentiene.
Bij mijnen heeren vander Raede gheordonn[eert] in Vlaendren
Boullin[?]
Paschendael. Prelaet Zinnebeke versus Dinghelsche. St Lesen ten Laumaent[?] Anno xv.C xix Dachte[?]
An Jan vander Gucht procureur etcetera[?]