BRU-AGSB-Z-R13(kap109)
Algemene gegevens
Analytische datum: 11-05-1263Opmerkingen analytische datum: Callewaert(1), 111, nr. 102: '11 Avril 1263'. // In tegenstelling tot wat er bij Callewaert staat, valt de vijfde dag van de Iden van mei op 11 mei, niet op 11 april.
Type: Bevestiging door de paus van het bestaan, de bezittingen en de voorrechten van de abdij van Zonnebeke
Beschrijving: Paus Urbanus IV bevestigt de regels, privileges en bezittingen van de abdij van Zonnebeke [respectievelijk over abdij+ regel; bezittingen + patronaatsrechten; over opnamerecht in de abdij; over interdict en excommunicatie; over sacramenten en wijdingen; over andere bidplaatsen; over taxaties; over begravingen; over tienden en andere bezittingen in lekenhanden; over abtskeuze; over geweld binnen de muren en asiel).
Opmerking: Callewaert(1), 111, nr. 102 vermeldt een kopie in Cartularium S, kap. 109.
Tekst
BRU-AGSB-Z-R13(kap109)[Overgenomen uit Callewaert(1), pp. 111-114, nr. 102]
[p. 111] Urbanus episcopus, servus servorum Dei, dilectis filiis abbati monasterii B. Mariae de Sinnebeka, ejusdem fratribus tam praesentibus quam futuris regularem vitam professis. In religiosam vitam eligentibus apostolicum convenit adesse praesidium, ne forte cujuslibet temeritatis incursus aut eos a proposito revocet aut robur quod absit sacrae religionis infringat. Ea propter, dilecti in Domino filii, vestris justis postulationibus clementer annuimus et monasterium B. Mariae de Sinnebecca, Morinensis diocesis, in quo divino estis obsequio mancipati, sub B. Petri et nostra protectione suscipimus et praesentis scripti privilegio communimus. In primis siquidem statuentes ut ordo canonicus, qui secundum Deum et B. Augustini regulam atque institutionem arraasiensium fratrum in eodem monasterio institutus esse dignoscitur, perpetuis ibidem temporibus inviolabiliter observetur. Praeterea quascumque possessiones, quaecumque bona idem mona-
[p. 112] sterium inpraesentiarum juste ac canonice possidet aut in futurum concessione pontificum, largitione regum vel principum, oblatione fidelium, seu aliis justis modis praestante Domino poterit adipisci, firma vobis vestrisque successoribus et illibata permaneant. In quibus hoc propiis duximus exponenda vocabulis. Locum ipsum in quo praefatum monaterium situm est cum omnibus pertinentiis suis; terras et praedia quae habetis in villa, quae Sinnebeka vulgariter appellatur; altaria quae in ecclesiis de Roselare, de Nieuwkercka, de Beveslare et de Bexschotes bonae memoriae Radbodus Noviomensis episcopus, tunc locorum diocesanus, monasterio vestro pia liberalitate concessit; annuum redditum sexdecim librarum flandrensium, quem apud Lampernesse habetis; annuum redditum sex librarum et decem solidorum flandrensium quem habetis in Brugis in loco qui breves-comitis appellatur; decimam quam habetis in villa quae Besselare vulgariter appellatur, cum terris, pratis, vineis, nemoribus, usuagiis et pascuis, in bosco et plano, in aquis et molendinis, in viis et semitis et omnibus aliis libertatibus et immunitatibus suis, sive novalium vestrorum quae propriis manibus aut sumptibus colitis de quibus aliquis hactenus non percepit, sive de vestrorum animalium nutrimentis, nullus a vobis decimas exigere vel extroquere praesumat. Liceat quoque vobis clericos vel laicos liberos et absolutos e saeculo fugientes ad conversionem recipere et eos absque contradictione aliqua retinere. Prohibemus insuper ne ulli fratrum vestrorum, post factam in monasterio vestro professionem, fas sit sine abbatis sui licentia de eodem loco, nisi arctioris religionis obtentu, discedere; discedentem vero absque communi literarum vestrarum cautione nullus audeat retinere. Cum autem generale interdictum terrae fuerit, liceat vobis, clausis januis et exclusis excommunicatis et interdictis, non pulsatis campanis, dummodo causam non dederitis interdicto, suppressa voce divina officia celebrare. Chrisma vero, oleum sanctum, consecrationes altarium seu basilicarum, ordinationes clericorum qui ad ordines fuerint promovendi, a diocaesano suscipietis episcopo, siquidem catholicus fuerit, et gratiam et communionem sacrosanctae Romanae Sedis habuerit, et ea vobis voluerit sine pravitate aliqua exhibere. Prohibemus insuper ut infra fines parochiae vestrae nullus, sine assensu diocaesani episcopi et vestro, capellam seu oratorium de novo construere audeat, salvis
[p. 113] privilegiis Pontificum Romanorum. Ad haec novas et indebitas exactiones ab archiepiscopis et episcopis, archidiaconis seu decanis, aliisque omnibus ecclesiasticis saecularibusve personis a vobis omnino fieri prohibemus. Sepulturam quoque ipsius loci liberam esse decrevimus, ut eorum devotioni et extremae voluntati qui se illic sepeliri deliberaverunt, nisi forte excommunicati vel interdicti sint aut etiam publice usurarii, nullus obsistat, salva tamen justitia illarum ecclesiarum a quibus mortuorum corpora assumuntur. Decimas praeterea et possessiones ad jus ecclesiarum vestrarum spectantes, quae a laicis detinentur, redimendi et legitimi liberandi de manibus eorum et ad ecclesias ad quas pertinent revocandi libera sit vobis de nostra authoritate facultas. Obeunte vero te nunc ejusdem loci abbate vel tuorum quolibet successorum, nullus ibi qualibet subreptionis astutia seu violentia praeponatur, nisi quem fratres communi consensu vel fratrum major pars consilii sanioris, secundum Deum et B. Augustini regulam, providerint eligendum. Paci quoque et tranquillitati vestrae paterna in posterum sollicitudine providere volentes, authoritate apostolica prohibemus ut infra clausuras locorum vestrorum nullus rapinam seu furtum facere, ignem apponere, sanguinem fundere, hominem temere capere vel interficere seu violentiam audeat exercere. Praeterea omnes libertates et immunitates a praedecessoribus nostris Romanis Pontificibus monasterio vestro concessas, nec non libertates et exemptiones saecularium exactionum, a regibus et principibus vel aliis fidelibus rationabiliter vobis indultas, authorititate apostolica confirmanus et praesentis scripti privilegio communimus. Decernimus ergo ut nulli omnino hominum liceat praefatum monasterium perturbare aut ejus possessiones auferre vel ablatas retinere, minuere seu quibuslibet vexationibus fatigare, sed omnia integra conserventur, eorum pro quorum gubernatione ac sustentatione concessa sunt usibus omnimodis profutura, salva Sedis Apostolicae authoritate et diocesani episcopi canonica justitia, et in praedictis decimis moderatione concilii generalis. Si qua igitur in futurum ecclesiastica saecularisve persona hanc nostrae constitutionis paginam sciens, contra eam temere venire temptaverit, secundo teriove commonita, nisi reatum suum congrua satisfactione correxerit, potestatis honorisque sui careat dignitate,
[p. 114] reamque se divino judicio existere de perpetrata iniquitate cognoscat, et a sacratissimo Corpore et Sanguine Dei et Domini Redemptoris nostri Jesu Christi aliena fiat, atque in extremo examine districtae subjaceat ultioni. Cunctis autem eidem loco sua jura servantibus sit pax Domini nostri Jesu Christi, quatenus et hic fructum bonae actionis percipiant et apud districtum judicem praemia aeternae pacis inveniant. Amen. Amen
Locus sigilli. Ego Urbanus Catholicae Ecclesiae episcopus; “ Ego Simon titulo S. Martini presbyter cardinalis; “ Ego Ancherus titulo S. Praxedis presbyter cardinalis; “ Ego frater Guido titulo S. Laurentii in Luca presbyter cardinalis; “ Ego Guillielmus titulo S. Marci presbyter cardinalis; “ Ego Odo Tusculanus episcopus; “ Ego Stephanus Proenestinus episcopus; “ Ego frater Johannes Portuensis et S. Catharinae episcopus; “ Ego Radulphus Albanus episcopus; “ Ego Henricus Ostiensis et Vellercensis episcopus; “ Ego Guido Sabinensis episcopus; “ Ego Richardus S. Angeli diaconus cardinalis; “ Ego Ottavianus S. Mariae in Via lata diaconus cardinalis; “ Ego Johannes S. Nicolai in carcere Tulliano diaconus cardinalis; “ Ego Ottobonus S. Adriani diaconus cardinalis; “ Ego Jacobus S. Mariae in Cosmydin diaconus cardinalis; “ Ego Gomfridus S. Geordii ad velum aureum diaconus cardinalis; “ Ego Ubertus S. Eustachii diaconus cardinalis; “ Ego Jordanus Sanctorum Cosmae et Damiani diaconus cardinalis.
Datum apud Urbem Veterem, per manum magistri Michaelis de Tholosa, S. Romanae Ecclesiae vice-cancellarii, quinto ijdus maii, indictione 6, Incarnationis Dominicae anno 1263, pontificatus vero Domini Urbani Papae IV anno 2.