BRU-AGSB-Z-64

Algemene gegevens

Opmerkingen analytische datum: Callewaert(1), 139, nr. 128: 'Mars 1295'. // Uitgaand van het gebruik van de paasstijl, werd het jaartal aangepast.

Type: Amortisatie door de graaf van Vlaanderen van drie tienden van de abdij van Zonnebeke te Oostnieuwkerke

Beschrijving: Gwijde, graaf van Vlaanderen en markies van Namen, amortiseert drie tienden te Oostnieuwkerke, die de abdij van Zonnebeke verworven had ondanks het verbod op het verwerven van bijkomende bezittingen door religieuze instellingen.

Opmerking: Callewaert(1), 139, nr. 128 vermeldt een kopie in Cartularium S, kap. 100: "Conformatio Guidonis, comitis Flandriae, decimarum Johannis de Houtte, Radulphi Snese et Lamberti de Coilge."; hij vermeldt ook een uitgave in Plaacaerten van Vlaenderen, t. III, p. 38 (A. Wauters, Table chronologique, t. VI, p. 475).

Tekst

[Overgenomen uit Callewaert(1), pp. 139-140, nr. 128]

[p. 140] Nous Guis cuens de Flandres et marchis de Namur faisons savoir a tous ke comme grant tans a fust par toute nostre tierre de Flandres fais generalment vus commandemens et une deffense de par tres haute et tres noble Dame, jadis nostre chiere Dame et Mere Margherite de bone memore, contesse de Flandres et de Haynau, et de par nous, ke nule abbeye, eglyze, maisons de religion, priestre, clerc, gens nonnobles ou autre deffensable a le loy, acquisiscent en nostre tierre de Flandres fies, rentes, tierres, hyretages ou autres samblans acques ki meuscent de nous, et contre le commandement et le deffense devandis, religieus homme li.. abbes et le couvens de leglyse nostre Dame de Synebiecke aient acquis en nostre devantdite tierre de Flandres trois dismes dont li une vaut quatre lib. de le monoie de Flandres, li autre saize sols de la dite monoie; li tierche dijs sols de le ditte monoie par an, les queles dismes toutes trois gisent en le parroche de Nueveglize, cheli Nueveglize ki est decoste Rollers, et les aient acquis sans le congret et sans l’otroi de nostre tres chiere Dame et Mere desusdite ou le nostre et sans nostre assens, si comme il appert par lenqueste faite sour che par nos gens ke nous avons a che faire et entendre mis, le quel acquest faire ne leur loisoit. Nous connoiscons ke li devandit religieus homme li.. abbes et li couvens de ‘leglyse nostre Dame de Synebiecke pour eaus et pour leur maison ont asses fait envers nous, et a nostre grei plainement et les quittons a tousjours de lamende ke nous leur demandiemes ou demander porriemes en loquoison des finances kil faire deurent pour les deseurenommees acquises dismes. Et greons bien et otrions kil des deseuredittes dismes soient ahyretei bien et a loy, et ke il les tiegnent as us et as coustumes dou paijs, sauves toutes nos autres droitures et sauves aussi toutes droitures d’autrui.

En tiesmognage desqueles choses nous avons fait ches presentes lettres saeler de nostre sael, ki faites furent et donnee l’an de grasse mil deus cens quatre vins et quatorze, el mois de March.