BRU-AGSB-Z-203bis

Algemene gegevens

Type: Kopie van 3 stukken betreffende een tiendegeschil te Passendale

Beschrijving: Kopie van 3 stukken betreffende een tiendengeschil te Passendale [cf. ook BRU-AGSB-Z-203bis(1), BRU-AGSB-Z-203bis(2) en BRU-AGSB-Z-203bis(3)].

Opmerking: Kopie van drie processtukken. Aangezien de originelen niet bewaard werden, wordt elk van de drie teksten als een aparte ingang opgenomen in de databank, respectievelijk als BRU-AGSB-Z-203bis(1), BRU-AGSB-Z-203bis(2) en BRU-AGSB-Z-203bis(3). Ook de persoonsnamen, plaatsnamen en instellingen worden daar apart opgenomen.

Tekst

[VOORLOPIG]

Copie

pachten van Zinnebeke

Passchier Marael tocht ende zeicht voor mijn heeren balliu ende schepenen vander heerlichede van mijn heere van Morslede jn Plasschen[dale] hoe dat hy voor hulieden betrocken staet by Jan Pauwels ende heeft hem gheheesch weder[...?]eerijnghe van schoue iij lb [xv/xl?] s mids dat hy Passchier tiendenare es vanden heere van Zinnebeke Ende jndien hy eenighe schouen van eeneghe gronden ghehaelt heift es ghedaen als tiendenare byden welken zij versouct dach omme den erfachtichen vander tiende vp te roupene jn garante ende zeicht hem daer toe ontfanghelic van Rechsweghe vermet jnt rechte ende jn hulieden myn heeren

[in de marge:]

Ditz maer een versouc dat van garante ende van heessche den vp niet ghelitiscontestiert en es ooc en es de prelaet jmpetrant vanden complainte [...?] dat [...?]as niet zo [?] dese copie jmpertinent jeghen den prelaet

Copie vanden heessche van Jan Pauwels ieghen Passchier Marael

Jan Pauwels als tiendenare vanden oost tiende in Plasschendale heesch Passchier Marael de somme van iij lb parisis ende dat van schouen Rugghe ende taruwe melselio[...?] die de zelue Passchier Jan Pauwels ontvoerdt heift huut tenen ackere toebehorende eenen Pieter van Lau ligghende binden bestrecke tusschen de crusboom staende biden belie van Juo [...?] Codde ende de zuut oosthouc tvellhoeft dat hy hem veruoordt heift van daer schouen te halene presentert van dien prouve dat ooc de tiendenaers van den prochie van paesschendale jn tyden voorleden te wylent datmen den ackere wonne heift ghecostumeert thebbe daer tiende te halene presenteert prouve ghekent of ghebleken zouct Jnnynghe ende verghelt de zelue Jan Pauwels heesch noch de zeluen Passchier de some van xl s parisis ooc van schouen die hij hem ontvoert heift tanderen tiden onbegripen tyt ende nomere van ij sticken toedienende den zeluen Passchier ende Karels Everaerdt bezait by Jaspar vanden Pitte ende zyn naercommer datte hem ooc veruoorden heeft die schouen te halene ende wech te voerene stelt hy hez jn deelynghe van eede dit ghekent verzouct verghelt

[in de marge:]

Paesschier Marael en heeft niet meer ghehaelt dan den derden schoof toebehorende den prelaet van Zinnebeke g°.

Den xvij.en jn hoymaent xv.C tweeendetwintich dinghedach jnde fere [?] vierscare van Akets jn Passchendale [?] jn ghebannen vierscare Jan Pauwels toochde ende zeide dat hij sekere arrest ghedaen hadde met bailliu ende scepenen vp sekere vrucht thiende vp een sticke lands toebehorn eenen Pietre van Lau ligghende bewoosten an Nicasis van Hauerbeke land ende versochte dach ghedaen te hebben eenen vpsitten laet hem en al dandre die segghen of spreken wilde jeghen de aresteerde vrucht jeghen dem eersten dinghedach twecke hem al soo ghewyst was

Jtem ten dinghedaghe omme commende de zake gheroert ten toere [?] vanden ferie zo heeft den voorseiden Jan Pauwels als tiendenare vercreghen vp der laet ende vp al ander die opposeren wilde jeghen tvorseide arrest den eersten anderden ende derden vortheesch ende daer naer de contumacie [?] ende de vrucht tiende naer tverzouck van Jan Pauwels ghewyst jn synen handen jn al zoo verre alst scepenen kennesse behoort jn kennessen van desen soo hebbe jc dese acte ghetekent als clerc vander voorseider vierscaere den xxx.en in hoymaent xv.C xxij

[in de marge:]

Dit landt licht wel onder de vierscare nemaer es gheschiet naer eenen kercghebode ende de drie voortheesschen al vp eenen dach absent partie vp Jan Pauwels twelk den prelaet niet an een gaet die dus [?] directus [?] es vanden derden schooue jn de acte spreect jn also verre als ter kennesse staet van scepenen Jtem tberecht van thienden staet niet ter kennesse van scepenen [...?] [...?] jn petitor(e)