BRU-AGSB-Z-73

Algemene gegevens

Opmerkingen analytische datum: September is de 'pietmaand'.

Type: Bevestiging door de schepenen van de abt van Zonnebeke van de verkoop van land te Zonnebeke ('Maben hofstede') door Lambracht Matheus en echtgenote

Beschrijving: De schepenen van de abt van Zonnebeke laten weten dat Lambracht Matheus en zijn echtgenote, Margriete, beiden woonachtig in de parochie van Zonnebeke, 2 lijnen land en 41 roeden - min of meer - gelegen binnen de parochie van Zonnebeke en 'Maben hofstede' genoemd (+ situering van de grond), verkocht hebben aan Gillis Bordijn.

Tekst

[VOORLOPIG]

Wie Jehan traetche / Willem vander maersch / Jehan van borgonge / Willem die Waerd / Henrijc bollard / ende Wouter die ruschere schepenen mijns hers abts endes couents van zinnebeke / Doen te weitene ollen den gonen die deise lettren sullen sien ende horen lesen / Dat lambracht matheus ende margriete sijn wijf wonende jn die prochie van zinnebeke / sijn vor ons comen Ende hebben verkent / Dat gillijs bordijn heiuet iecocht ende ghecreghen tewelicheden / jeghen hemleden / twe linen lants ende .xli. roeden littel min jof littel meer / ligghende binder prochie van sinnebeke / jeheiten maben hofstede / streckende besuden schaeds elfte / ende oost toter strate / vanden welken vorseiden lande de vorseide lambracht ende sijn wijf houden hem ouer wel vergoulden / Ende hebbens dien vorseiden Gillise halmp ende ghifte gheworpen / wel ende wettelike also costume ende vsage es vander vierschare / mijns hers abts endes Couents vorseid / ende hebbens hem ywet twaerschep / van ollen calaengen / jeghen ollen lieden / quite lant omme quite ghelt / behouden tshieren rechten chins vanden lande / Diers vte gaet / jn kennessen van deisen dinghen / wie schepenen vanden herschepe vorseid / hebben deise lettren beseghelt met onsen seghelen / vthanghende / Dit jedaen jnt jaer ons heren / olsmen screef .M. CCC. ende xxiij. jn pietmaend

Zunnebeke ii linen ende 41 roeden lants gheheet Maben hofstede streckende besuiden schaeds elfte, ende oost totter straete, ghecocht eertijts door Gillis Lambrecht jeghens Lambrecht Mat[...?] 1329