BRU-AGSB-Z-136

Algemene gegevens

Opmerkingen analytische datum: Bijkomende datering in de bron: "lan mil quatrecens vintsix" (1426). // Volgens de tekst op de plica werd deze oorkonde op 19/03/1459 (n.s.) geregistreerd in de Rekenkamer van de hertog te Rijsel.

Type: Amortisatie door de hertog van Bourgondië van bezittingen van de abdij van Zonnebeke

Beschrijving: Hertog Filips de Goede van Bourgondië laat weten dat zijn commissarissen in Vlaanderen vastgesteld hadden dat de abdij van Zonnebeke bepaalde bezittingen had die nog niet geamortiseerd werden (+ opsomming van de bezittingen). De abdij betaalt de hertog eenmalig de som van 100 gouden schilden van 48 groten Vlaams geld, in ruil waarvoor de hertog hen eventuele inbreuken op zijn rechten tijdens het verkrijgen van die goederen kwijtscheldt, en de goederen amortiseert. Mocht één bepaalde bezitting voor de abdij verloren gaan, dan zou de abdij in ruil daarvoor een gelijkwaardige bezitting mogen verwerven.

Tekst

Phelippe par La Grace de dieu duc de Bourgoingne de Loth[ie]r de Brabant et de Lembourg Conte de Flandres Dartois de Bourg[og]ne palatin de Haynnau de Hollande de zeelande et de namur Marquis du saint empire Seigneur de frise de salins et de malines Sauoir faisons a tous p[rese]ns et auenir Comme noz amez et feaulx conseilliers Les co[m]missaires par nous nagaires ordonnez et mis sus pour eulx Jnformer sur lalienation de n[ot]re demai[n?]ne et sur les faultes abuz et mesvs que lon disoit estre co[m]mis par pluseurs noz officiers de noz pays et Conte de flandres aient en besoingnant en la charge a eulx baillee en ceste partie selon la teneur de certainnes noz l[ett]res de co[m]mission a eulx adrechans sur ce entre autres choses trouue par Jnformation que les Religieulx abbe et couuent de zinnebeke auoient sans n[ot]re sceu ottroy ou congie acquis hors fief et Justice tant par achat comme autrement les maisons terres Rentes et Reuenues qui sensuiuent Et premierement en la parroisse de pascendale au lieu appelle goudberge neuf mesures et deux lines de terre ou enuiron que vng no[m]me paule bollart a acquis au prouffit desd[its] Religieux abbe et couuent des lan mil quatrecens vintsix lesquelles neuf mesures et deux lines de terre valent par ch[ac]un an en Reuenue quatre liures dix solz paris[is] de n[ot]re monnoie de flandres la liure ala charge de payer quatre deniers pour ch[ac]une mesure de Rente Jtem quatre liures paris[is] d[i]c[t]e monnoie de Rente heritable assises sur huit mesures de terre qui gisent en la paroisse de zunebeke soubz la seignourie desd[its] Religieux abbe et couuent et appartiennent a diuerses personnes Lesquelles quatre liures de Rente sont auenues a Jceulx Religieux abbe et couuent par ce que le prieur de lad[i]c[t]e eglise de Zunebeke auoit preste a vng appelle michiel audemart bourgois de n[ost]re ville dyppre La somme de quatre vins quatre liures paris[is] par condition que se ledit Mmichiel ne Rendoit et payoit ledit prieur endedens certain Jour lors auenir Jcellui prieur venoit gaignier par loy lesd[its] quatre liures paris[is] de Rente en ensuiuant lequel traictie et en deffault de paiement le mesme prieur a gaignie a loy lad[i]c[t]e Rente Laquelle Jl a donnee a lad[i]c[t]e eglise ala charge dun obit Jtem quatre mesures de terre ou enuiron gisans auplusprez Dung molin apparten[ant] ausd[its] Religieux abbe et couuent et dessoubz leur seignourie lesquelles quatre mesures de terre les tuteurs dung no[m]me loy de vacht acheterent de certain argent qui estoit auenu audit loy par le trespas de feu sa mere Lequel loy donna et delaissa a lad[i]c[t]e eglise lesd[its] quatre mesures de terre quant Jl se Rendi Religieux en Jcelle et peuent valoir par an quatre liures paris[is] d[i]c[t]e monnoie de Rente ou enuiron Jtem quinze mesures et soixante treize verges de terre gisans en la parroisse de noortscotte soubz la seignourie des Religieuses abbesse et couuent de leglise de messines dont ch[ac]une mesure lune plus lautre moins peut valoir par an quarante solz paris[is] d[i]c[t]e monnoie chargees lesd[its] quinze mesures et soixante treize verges de terre de trente solz paris[is] dicelle monnoie de Rente et ainsi peut reuenir ausd[its] religieux abbe et couuent enuiron vinthuit liures dix solz d[ic]te monnoie Laquelle terre et Rente vng no[m]me Copin de prouin Religieux en lad[i]c[t]e eglise donna et delaissa a Jcelle eglise Jtem trente trois mesures de terre acquises par lesd[its] Religieux abbe et couuent dung no[m]me Clais Delfscat bourgois de n[ot]red[ite] ville dyppre pour la somme de vinthuit liures de gros de n[ot]red[it] monnoie de flandres que ledit clais deuoit a Jceulx Religieux abbe et couuent soubz condicion que Jcellui clais peut Retraire et Reprendre lesd[its] trente trois mesures de terre en paiant semble somme de vinthuit liures de gros pour vne fois lesquelles trente trois mesures de terre peuent valoir par ch[ac]un an toutes charges deduittes et paiees la somme de vintcinq liures paris[is] p[ar] an d[i]c[t]e monn[oie] Et a ceste occ[ois]on aient nosd[its] conseill[e]rs et co[m]missaires calengie et trait en cause pardeuant eulx lesd[its] Religieux abbe et couuent de zunebeke lesquelx apres aucunes co[m]munications par eulx eues auec Jceulx noz co[m]missaires affin deuiter tous proces calenges et questions que a ceste cause Jlz eussent peu ou pourroient auoir alencontre de nous ou de n[ot]re procureur aient appoinctie auec nosd[its] co[m]missaires en la maniere qui sensuit Assauoir quilz nous paieront pour vne fois comptant la somme de Cent escuz dor Du pris de quarante huit gros de n[ot]re monnoie de Flandres la piece et que moiennant Jcelle nous aurons pour aggreable lesd[its] acquestz et au surplus les mettrons et ferons mettre franchem[en]t hors de proces et serons tenuz de admortir les parties des Rentes terres maisons et Reuenues cy dessus declairees En nous faisant treshumblement supplier que n[ot]re plaisir feust de ainsi le faire Pour ce est Jl que nous les choses dessusd[i]c[t]es [con]sid[er]ees aduertiz de pluseurs grans pertes et do[m]maiges que lesd[its] Religieux abbe et couuent de zunebeke ont euz souffers et soustenuz depuis aucun temps [circa?] tant par feu de meschief comme autrement aussi que lad[i]c[t]e eglise qui a trespeu de Reuenue est fort chargee de Religieux Aians aggreable le traictie et apponctement fait par nosd[its] conseill[e]rs et co[m]missaires auec les dessusd[its] Religieux abbe et couuent et en sur ce laduis diceulx noz co[m]missaires et depuis de noz treschiers et feaulx les co[m]mis sur le fait de noz demai[n]nes et finances les acq[ue]sts fait par lesd[its] Religieux abbe et couuent dont dessus est f[ai]c[t]e mention par la mani[er]e et ainsi que dit est dont nous tenons pour plainement Jnformez auons consentiz et accordez consentons accordons et auons pour aggreables de grace esp[eci]al par ces p[rese]ntes et a Jceulx Religieux abbe et couuent auons quitte et pardonne quittons et pardonnons tout ce quilz peuent auoir mesprins enuers nous a ceste cause et les en voulons estre mis hors de proces et calenge et les proces et calenges desia f[ai]c[t]es a ceste cause par nosd[its] co[m]missaires auons mis et mettons au neant par cesd[its] p[rese]ntes en Jmposant quant a ce scilen[ce] perpetuel tant a nosd[its] co[m]missaires co[m]me a n[ot]re procureur et tous noz autres officiers quelxconques Et auec ce affin que soions participans aux deuotes prieres et oroisons qui se feront doresenauenct en lad[i]te eglise de zunebeke Auons pour nous noz hoirs successeurs et orons cause toutes lesd[its] parties de Rente terres maisons et Reuenues acquises et aue[n]nues ausd[its] Religieux abbe et couuent ainsi et par la maniere que dit est de n[ot]red[i]te grace certaine scien[ce] auctorite et plaine puissan[ce] admorties et admortissons Par ces mesmes p[rese]ntes pour par lesd[its] Religieux abbe et couuent et leurs successe[ur]s les auoir tenu et possider et en Joyr et vser perpetuelment et a tousiours co[m]me de chose morte donnee et dediee a dieu et a leglise sans ce quilz puissent ou doient Jamais estre contrains a les vendres aliener ne mettre ou transporter hort de leurs mains pour quelque cause ou occ[asi]on que ce soit Et enoultre sil aduenoit que ledit clais Delfscat ses hoirs ou ayans cause Reprenissent[?] ou Retraicissent[?] cy apres lesd[its] trente trois mesures de t[er]re de lui acquises comme dit est pour lad[i]c[t]e somme de vinthuit liures de gros ou que par lesd[ites] Religieuses abbesse et couuent de messines fust cyapres donne destourbier ou empeschement ausd[its] Religieux abbe et couuent de zunebeke parquoy Jlz ne peussent plainement Joyr et vser de ce p[rese]nt admortissement en tant quil touche lesd[its] quinze mesures soixante treize verges de terre gisans en lad[i]te parroisse de nortscotte soubz la seignourie dicelles Religieuses abbesse et couuent de messines nous de n[ot]re plusample grace auons en ce cas desmaintenant pour lors ausd[its] Religieux abbe et couuent de zunebeke Donne et ottroie Donnons et ottroions congie licen[ce] et ottroy daquerir hors fief et Justice autre Rente Jusques a lad[i]c[t]e somme de vintcinq liures paris[is] d[i]c[t]e monn[oie] par an et pareillement quinze mesures soixante treize verges dautre terre quelquepart quilz les trouueront soubz mons lesquell[es] vintcinq liures de Rente et quinze mesures soixante treize verges de terre hors fief et Justice co[m]me dit est en ce que ainsi Jls en acquerroient nous auons aussi desmainten[ant] pour lors admorti et admortissons dicelle n[ot]re grace par ces mesmes p[rese]ntes moiennant et par[...?] a ceste cause lesd[its] Religieux abbe et couuent de zunebeke seront tenuz de nous Paier pour vne fois e[...?] co[m]mis depar nous a Recevoir et faire venir ens[?] les deniers venans a cause de la Reformation en n[ot]re dit pais de flandres qui sera tenu den f[air]e Recepte pour ceste fois pour ch[ac]un[?] ce sont deniers ven[ant] a cause dicelle Reformation lad[i]c[t]e somme de Cent esc[us] dor dud[it] pris de quarante huit gros de n[ot]re monnoie de Flandres la piece en autre monnoie a la value Ordonnons en mandement a noz amez et feaulx les gens de noz comptes a lille que cestes Jlz enregistrent ou fatent enregistrer es liures pappiers et Registres de lad[i]c[t]e chambre a ce seruans et ordonnez Mandons enoultre aux gens de n[ot]re conseil en Flandres Residens en n[ot]red[i]c[t]e ville dyppre A noz bailliz de la salle de n[ot]re ville dyppre et a tous noz autres bailliz Justiciers et officiers de n[ot]redit pais et Conte de Flandres a leurs lieuten[ants] et a ch[ac]un deulx en droit sur et sl[...?]ine a lui appar[...?] q[ue] lad[i]c[t]e so[m]me de Cent escus dor desd[its] pris et monn[oie] ou aut[re] a la value paiee pour ceste fois et pour la cause [...?] audit co[m]mis depar nous a Receuoir et faire venir eus lesd[its] deniers Jlz farent[?] sueffrent et laissent Jceulx Religieux abbe et couuent pour nous nosd[its] hoirs successeurs et aians cause de n[ot]red[i]c[t]e grace ottroy [e]t admortissem[en]t [et] de tout le contenue en cesd[its] p[rese]ntes plainement paisiblement perpetuelment et a tousiours Joyr et vser Sans leur fair ou donner ne souffrir estre fait ou donne oret ne ou temps auenir quelconques destourbier ou empeschement au contraire Car ainsi nous plaist Jl Et affin que ce soit chose ferme et estable a tousiours nous auons fait mettre n[ot]re seel a ces mesmes p[rese]ntes Saulf en autres choses n[ot]re droit et lautruy en toutes Donne en n[ot]re ville de mons ou mois de decembre Lan de grace mil quatrecens Cinquante Huit

[Links op de plooi:]

Par monseign[eu]r Le Duc Ala Rel[aci]on Des co[m]mis sur Le fait De ses demain[es] [et] finances

delekerrest

[Rechts op de plooi:]

Le xix.e Jour de mars lan mil cccc lviij ceste chartre fut enregistree en la chambre des comptes de monseigneur le Duc de bourg[og]ne [et]c[etera] A lille ou Registre des chartres co[m]menc[ant] en nouembre cccc lj fo[lio] ij.° Et au surplus Jllec expediee par mess[ieu]rs desd[its] comptes moiennant la somme de Cent escus dor de xlviij gros monn[oie] de flandres piece que mondit s[eigneu]r a ordonne estre paiee A Jehe[n]nin desplanques co[m]mis a Receuoir les deniers ven[ant] de la Reformac[i]on de flandres qui s[en?] a tenu den baillier sa l[ett]re et den f[air]e R[eque]te[?] selon le contenu de cesdo[...?]es l[ett]res

chalet

L[ett]ren van amortisatie van ix ghem[eten] ii Lijnen in Passcendale te[n] goudberghe[n] Jtem iiiJ £ p[arisis] s[iae]rs vp viij ghem[eten] Landts in Zonnebeke Jtem iiij ghem[eten] Landts bijde Zonnebeic muele[n] Jte[m] xv ghem[eten] Lxxiij R[oeden?] Landts Jn Noordschote Jte[m] van xxxiij ghem[eten] Landts Jn Zonnebeke [...?]

Zunnebeke

Amortisatio suprascriptarum terrarum facta per Philippum [doorstreept: Regem of] dux bourgondie et Comitem flandrie anno 145[6/8?]