BRU-AGSB-Z-n1467
Algemene gegevens
Analytische datum: 05-05-1447Type: Instemming door de vorst met het verzoek van de abt van Zonnebeke, als heer van Zonnebeke, om ook buitenstaanders met bezittingen te Zonnebeke als baljuw, leenman of schepen te mogen kiezen
Beschrijving: Hertog Filips van Boergondië ontving van de abt van Zonnebeke een verzoek aangaande de heerlijkheid van de abdij te Zonnebeke: de abdij heeft daar de hoge, middele en lage justitie, en het recht om een baljuw, leenmannen en 7 schepenen aan te stellen. Binnen Zonnebeke zijn er echter onvoldoende geschikte personen om al deze functies te vervullen, en daarom verzoekt de abt dat ook buitenstaanders, die gronden te Zonnebeke bezitten, voor die functies zouden mogen gekozen worden. De vorst stemt in met dit verzoek.
Tekst
Phelipe par la grace de dieu duc de Bourgoingne de loth[ier]s de Brabant et de lembourg Conte de Flandres dartois de Bourg[oingne] palatin de haynn[aut] de hollande de zellande [et] de namur marquis du saint empire Seign[eu]r de frise de salins [et] de malines A n[ot]re Bailli de la salle dyppre ou a son lieuten[ant] salut De la p[ar]tie de noz b[ie]n lamez les Religieux abbe et couuent de zinnebecque lez n[ot]re ville dyppre nous a este en suppliant humbleme[n]t expose que entre aud[it]s terres [et] Reuenues a eulx ap[pa]rten[ants] Jlz ont certaine terre et seignourie en la p[ar]roische de zinnebeque A cause de laquelle Ilz ont toute Justice haute moienne [et] basse et sont gouu[er]nez en Justice p[ar] vng baillj ho[m]mes de fief et sept esch[eu]ins Et Ja soit ce q[ue] lesd[its] supplians aient [choses?] subgez demour[ant] soubz et en lad[ite] seignourie pour les eslire et faire esch[eu]ins et faire et admi[n]strer raison et Justice a vng ch[ac]un Neantmois le bailli desd[its] suppl[ian]s a acoustume de p[ar] cydeua[n]t eslire [et] ordonner des plus ydoines desd[its] mana[n]s et les a fait Jurer esch[eu]ins Jllec sans choisir aut[re]s desd[its] subgez Et il soit ainsi q[ue] lesd[its] subgez et manans qui sont gens de paine et labeur et ne se entendent aucuneme[n]t en fait de Justice soient teleme[n]t declinez q[ue] le nombre et quantite qui y demeurent ne souffist pas pour satisfaire au nombre desd[its] vij esch[eu]ins q[ue] auoit leur couuent po[ur] lexercice de leurd[its] Justice parquoy est besoing dy pourueoir Et [...?] q[ue] lesd[its] supplians aient beaucop de notables p[er]sonnes adheritez soubz lad[ite] seignourie aud[it] p[ar]t demoura[n]s b[ie]n ydoines et sachans les loix et eulx congnoissans en fait de Justice Toutenons[?] Jusques a ores ne sen font aucune[ment] aidiez et ne les po[ur]roient bonneme[n]t ace contraindre Sans auoir faite n[ot]re congie et acente [s/f...?] dieut lesd[its] suppl[iant]s Requerans faire n[ot]re prouision Pour ce est il q[ue] nous les choses considerees desirans Raison et Justice estre [f...?] et adminstree a Vng ch[ac]un et en faueur de leglise et afin q[ue] la Justice q[ue] lesd[its] suppl[iant]s se dient auoir audit zinnebeque ne admoindrisse en verse au neant Ausd[its] supplians en tas dessusd[it] Auons ottroye et consenti ottroions consentons et de grace esp[eci]al leur donn[ons] congie et licence p[ar] ces p[rese]ntes q[ue] pour lexcercice et gouu[er]nement de leurd[its] Justice de zi[n]nebecque Jlz puissent faire choisir prendre [et] eslire des plus notables preudo[m]mes adheritez p[ar] demour[ant] en lad[ite] t[er]re et seignourie quilz ont aud[it] zinnebeque cour de p[ar] lesd[its] suppl[iant]s f[air?]e et admi[n]strer Raison et Justice a vng ch[ac]un qui le Requerra Non obstant q[ue] par cy deua[n]t len nait aconscinne[?] de faire et co[m]mettre q[ue] desd[its] mana[n]s soubz led[it] zinnebeque Si vous mandons et co[m]mandons expressseme[n]t en co[m]mettant se mestier est p[ar] ces p[rese]ntes q[ue] ala Requeste desd[its] suppl[iant]s vous contraingniez lesd[its] adheritez et mananz soubz la terre et seignourie desd[its] suppl[iant]s qui ainsi seront esleuz et choisiz a prendre et accepter la charge de lexcercice de lad[ite] loij et a y faire leur deuoir co[m]me en tel cas ap[pa]rtient et de mo[n]d[it] grace congie et licence fr[...?]s souffrez et laissiez lesd[its] suppl[iant]s pleineme[n]t et paisibleme[n]t Joyr vser Car ainsi le voulons et no[us] plaise il estre fait Non obfaut[?] ce q[ue] dit est et quelzconques mandeme[n]s ou deffen[ces] a ce contraires Donne en n[ot]re ville de Bruges le v.e Jour de may Lan de grace mil quatre cens quarante [et] sept
Par mons[ieur] le duc A la Relation du conseil
N. Domessent
B.
Zunnebeke
Aengaende die requeste van te meughen kiezen schepene[n] die van ipre en[de] elders zijn hebbende eenighe Erfuegrond[en] Jn[de] heerlijcheit van Zunnebeke ghepresenteert an graue phlippe anno 1447