BRU-AGSB-Z-n1626
Algemene gegevens
Opmerkingen analytische datum: Het stuk is niet gedateerd.Type: Overzicht van het ritueel bij de inkleding van een nieuwe kloosterling
Beschrijving: Overzicht van het ritueel bij de inkleding van een nieuwe kloosterling.
Tekst
Benedictio Habitus Religiosorum
Adiutorium nostrum in nomine Domini qui fecit celum et terram dominus vobiscum
Oremus
Domine Jesu Christe qui tegumentum mortalitatis nostrae Jnduere dignatus es obsecramus immensam tue largitatis abundantiam vt hoc genus indumenti quod sancti patres nostri ad humilitatis iudicium abrenuntiantes seculo ferre sanxerunt tu ita benigne + dicere tua benedictione digneris: vt hic famulus tuus qui eo vsus fuerit te induere mereatur: qui viuis et regnas cum Deo etc[eter]a
Oremus
Deus eternorum bonorum fidelissime promissor et certissime persolutor qui vestimen- tum salutis et indumentum Jucunditatis tuis fidelibus promisisti clementiam tuam humiliter exposcimus vt hoc indumentum humilitatem cordis et contemptum mundi significans [erboven: tia] quo hic famulus tuus visibili est informandus proposito propitius bene + dicus vt beate abnegationis habitum quem te inspirante suscepit te protegente cus- todiat et quem vestibus venerande religionis S[ancti] P[atris] Augustini induere volumus beate facias Jmmortalitate vestiri per Christum etc[eter]a
Oremus
Domine deus bonarum virtutum dator omnium benedictionum largus infusor te obnixius deprecamus vt hanc vestem bene + dicere et sancti + ficare digneris quam famulus tuus pro Indicio agnoscende Agustinianae Religionis Jnduere desiderat vt inter reliquos Augustinianos Canonicos tibi agnoscatur per Christum etc[eter]a
Alia observantur Prout in statutis Monasterij
Ordo qui seruatur in jnuestitione Nouitij Facta per ipsum Prius Professione Fidei juxta formam Cons[ilii] Trident[ini]
Jmmediate Cantato Euangelio primo benedicit Abbas sub forma v[er]borum vt supra Jnterea inuestiendus adducitur ad locum Jnuestitionis medius inter Diaconum et subdiaconum Jbique se prosternet donec Jnterrogetur ab Abbate:
2°
Quid Petis Charissime? Erectus manens genibus flexis Resp[ondebit:] Peto dei misericordiam vestram societatem et c[eter]a prout in Statutis
Inquirit Abbas: Vtrum Canonicum aliquod non obsistat Jmpedimentum quo minus Religionem Jntrare et profiteri valeat?
Jmpedimenta legitima si nesciat poterunt per Abbatem (si antea factum non fuerit) aut aliquem assistentium declarari Responso accepto nullum Canonicum obsistere Jmpedimentum
Fit exhortatio ab Abbate vel ab alio ab eodem ad hoc deputato In qua tum Priuilegia tum vel maxime difficultates ordinis sicut quanta districtione obser- uatio votorum et regule exigatus ab ijs qui vota fecerunt et quam seuere ne- gligentes et contemnentes Judicandi sunt a deo in extremo Iudicio candide aperiantur etc[eter]a prout fieri expresse statuta monasterij exquirunt
finita exhortatione petit Abbas: [doorstreept: An hec omnia pro salute sua et Deo lubenter subire velit?]
Vis ea quo status? sunt Religiosi pro deo et salute tua lubenter subire
Respondet: De sola Dei benignitate Confisus et vestris precibus et sacrificijs animatus ea perficere et adimplere connitar
Ad Quod respondebit Abbas: Dominus det tibi hec omnia adimplere vt ad vitam eternam possis peruenire Deinde ante Abbatem flectens Iunctas manus inseret inter manus eius dicetque Abbas que sequentur: Ex parte dei et nostra suscipimus te et concedimus tibi nostram societatem hac tamen lege: vt sicut in tuo manet voluntate infra annum Redire ad seculum: ita manet in nostra libertate si (quod absit) conuersatio tua nobis displicuerit te dimittere
Deinde aspergit Jndumenta Abbas aqua benedicta et Adolet incenso
Forma qua vtitur Abbas dum inuestiendum exuit vestibus secularibus
3°
Exuat te Dominus veterem hominem cum actibus suis R[espondebit] Amen
Deinde dicit Abbas:
V: Dominus vobiscum R: et cum spiritu tuo
Oremus
Domine deus virtutum supplices dexteramus clementiam tuam vt hunc famulum tuum miserationis tue abundantia ab omni vetustatis ereptione expurges et capacem sancte nouitatis ficias per Christum etc[eter]a
Oratione finita habitum ordinis illi Jmponit Abbas dicendo faciens signum crucis super illum cum habitu: Jnduat te dominus nouum hominem qui secundum deum creatus est in Justitia et sanctitate veritatis in nomine patris et filij et spiritus sancti Amen
Jmponendo Ephod tunicam lineam rochetum nuncupatum super- pellicium sicut et cum tribuit Almutium dicit Abbas: Accipe Jugum domini Jugum enim eius suaue est et onus eius leue Jn nomine patris etc[eter]a
Dum cingit Cingulo benedicto dicit Abbas: Accipe cingulum hoc benedictum super lumbos tuos in signum castitatis et con- tinentie in nomine patris etc[eter]a Nouitio Jam benedictis vestibus induto et coram se flexis genibus existente dicit Abbas: Dominus vobiscum etc[eter]a
Oremus
Adesto domine supplicationibus nostris et hunc famulum tuum benedicere dignare cui in sancto nomine tuo sancte Religionis nostre habitum dedimus vt te largiente deuotus in ea persistere vt vitam percipere eternam possit per Christum etc[eter]a
[doorstreept: his dictis vestibus secularibus exuitus et religionis induitus sub forma verborum prout supra et ab Abbate et religiosis singulis in osculo pacis accipitur quo finito reducitur ad eorum autem altare ibique hijm- num veni creator etc[eter]a]
[In de linkermarge: Veni creator]
Jncipit choro prosequente mentes tuorum visita: Absoluto hijmno canet chori versicularius vel nouitius versus sequentes [regel onleesbaar door plooi] V: emitte spiritum tuum et creabuntur R: et renouabis faciem terre V: ora pro nobis sancta etc[eter]a R. vt digni efficiamus etc[eter]a V: ora pro nobis B[eate] P[ater] Augustine R: vt digni efficiamus etc[eter]a
Oremus Deus qui Corda fidelium S[ancti] Spiritus illustratione docuisti da nobis in eodem spiritu recta sapere et de eius semper consolatione gaudere Concede nos famulos tuos quesumus domine deus perpetua mentis et corporis sanitate gaudere et gloriosa B[eatae] Mariae semper virginis Jntercessione a presenti liberari tristitia et eterna perfrui letitia Adesto supplicationibus nostris omnipotens deus et quibus fiduciam sperande pietatis Jndulges; Jntercedente B[eato] P[atre] Augustino Confessore tuo atque pontifice consuete misericordie tribue benignus effectum per Dominum n[ost]r[u]m Jesum etc[eter]a
Finitis orationibus pergitur in officio Misse Jnuestito: Jnfra missam in loco Jnuestitionis sue se preparante ad sacram communionem circa finem eiusdem misse finita solemni missa deducitur per
religiosum ad stallum suum in Choro vt cum vlteris religiosis Ibidem diu[in]um officium canendo prosequatus
Finito officio diuino Abbas Nouitio Directorem assignat cui vel alteri res omnes Nouitij durante Nouitiatu custodiendas tradit