BRU-AGSB-Z-n1621
Algemene gegevens
Opmerkingen analytische datum: Het stuk is niet gedateerd.Type: Overzicht van het ritueel bij de inkleding van een nieuwe kloosterling
Beschrijving: Overzicht van het ritueel bij de inkleding van een nieuwe kloosterling.
Opmerking: Formule.
Tekst
formula inuestiendi nouitium
Iuuenis ad habitum suscipiendum admissus die constituto ab Abbate immediate post euangelium summi sacri medius inter diaconum et subdiaconum ducetur ad altare ibiq[ue] prostratus [In de linkermarge: ante Abbatem] queret ab eo Abbas: Quid petis charissime? Ad quod erectus in genibus respondebit: Peto Dei misericordiam societatem fratrum et habitum religi- onis secundum regulam Beati Augustini Vlterius petit Abbas: nullum canonicum obsistit impedimentum quo minus religionem intrare et profiteri valeas? Quo respondente: nullum fiet exhortatio in qua difficultates ordinis et quomodo inuestien- dus sese gerre debeat vt fiat bonus religiosus expone[n]tur Qua absoluta iterum prosternet se ante Abbatem a quo interro- gabitur: An hec omnia per salute sua et deo libenter subire velit? Et si ille coram omnibus prompte sue voluntatis protestationem fecerit: hoc modo De sola dei pietate et religiosorum precibus confirmatus ea per dei misericordiam implere conitar Respondebit Abbas: Dominus det tibi hec omnia adimplere et ad vitam eternam possis peruenire Resp[ondebit:] amen Deinde ante Abbatem flectens iunctas manus inseret inter manus eius dicetq[ue] ei: Ex parte Dei et nostra suscipimus te et concedimus tibi nost- ram societatem hac tamen lege vt sicut in tua voluntate est infra annum redire ad seculum: ita est in nostra si (quod absit) conuersatio tua nobis non placuerit dimittere
His dictis iterum prostrauit se in terra Deinde ponuntur vestes coram Abbate vt benedicantur [In de linkermarge: Benedictio vestium] Adiutorium nostrum in nomine domini Resp[ondebit:] Qui fecit celum et terram Dominus vobiscum Resp[ondebit:] Et cum spiritu tuo
Oremus Deus bonarum virtutum dator et omnium benedictionum largus infusor exaudi preces nostras et hoc indumentum quod famulus tuus n[omen] pro conseruande castitatis ac religionis signo se ad operendum exposcit benedicere digneris per Dominum nostrum etc[etera] Asperguntur vestes aqua lustrali Tunc surgit inuestiendus quem Abbas vestibus secularibus exuit dicendo: Exuat te Dominus veterem hominem cum actibus suis Resp[ondebit:] ame[n] Dum induit dicit: Induat te dominus nouum hominem qui secundum Deum creatus est in iustitia et sanctitate veritatis Amen [In de linkermarge: Oremus] Deus qui dedit tibi hanc voluntatem det etiam perseuerantiam vt inde possis acquirere vitam eternam Amen Tunc nouitius corpore inclinato coram altari incipiat Hymnum Veni creator etc[etera] versis Emitte spiritum etc[etera] Abbas canit orationes Oremus Deus qui corda fidelium sancti Spiritus illustratione docuisti: da nobis in eodem spritu recta sapere et de eius semper conso- latione gaudere per Dominum nostru[m] eiusdem etc[etera] Oremus Omnipotens sempiterne deus respice perpetuis super hunc famulum tuum quem ad nouam conuersandi gratiam vocare dignatus es Et tribue ei remissionem omnium peccatorum atq[ue] celestium donorum consortium per Christum dom[inu]m nostrum
Pretende domine fa[mulo] tuo dexteram celestis auxilij: vt te toto corde perquirat et que digne postulat assequatur per do[m]i[n]um nostrum etc[etera] Qibus cantatis det illi Abbas osculum pacis dicendo: Pax tecum Similiter et alij confratres Quibus peractis ibit ad suum locum
Pro Jnuestiendis Nouitijs